Implementashon eksitoso di e promé fase di Pago Instantáneo
Implementashon eksitoso di e promé fase di Pago Instantáneo
WILLEMSTAD/PHILIPSBURG – Centrale Bank van Curaçao en Sint Maarten (CBCS) por
wak bèk riba un implementashon eksitoso di e promé fase di Instant Payment Clearing and
Settlement Mechanism (IP-CSM). Tur transakshon interbankario na i entre Kòrsou i Sint
Maarten i na Boneiru lo keda prosesá, manera indiká, dentro di algun sekònde, 24 ora pa dia
i 365 dia pa aña.
E siguiente institutonan finansiero ta konektá na e sistema di IP-CSM for di dia 15 di yanüari 2022:
Orco Bank NV (Kòrsou, Sint Maarten & Boneiru)
PSB Bank NV (Kòrsou)
Maduro & Curiel’s Bank NV (Kòrsou & Boneiru)
Windward Island Bank NV (Sint Maarten)
Banco di Caribe N.V. (Kòrsou, Sint Maarten & Boneiru)
RBC Royal Bank N.V. (Kòrsou, Sint Maarten & Boneiru)
CBCS awor lo enfoká riba konekshon a korto plaso di e otro bankonan na IP-CSM durante di 2022.
Ademas, CBCS, den kolaborashon ku e bankonan lokal lo sigui desaroyá e IP-CSM di tal forma ku,
por ehèmpel, e transakshonnan entre Boneiru i Kòrsou/Sint Maarten tambe lo keda prosesá den algun
sekònde entrante di yüni 2022, i amplia e opshonnan di pago efisiente na tur isla ku pagonan mobil i
online P2P (persona pa persona), P2B (persona pa empresa) i P2G (persona pa gobièrnu) for di aña
2023.
Willemstad, 17 di yanüari 2022
CENTRALE BANK VAN CURAÇAO EN SINT MAARTEN
