“ COMISARIO NOMBRA PA OTMAR A WORDE MANDA CAS…PERO ‘PRIMITO’ SI MAG KEDA COMO MINISTRO !!!”

BENNY NISBET(PPA):
“ COMISARIO NOMBRA PA OTMAR A WORDE MANDA CAS…PERO ‘PRIMITO’ SI MAG KEDA COMO MINISTRO !!!”

Con leeuw comedia riba e podium politico sa bai…..pueblo por mira den e decision di gabinete Mike Eman pa manda un carta pa tur comisario nombra pa x Ministro Otmar Oduber y duna nan nan retiro.
Cualkier ciudadano cu no ta sigui e politica di tur dia riba nos Isla lo pensa…..e ‘split’ entre AVP y x Ministro Otmar Oduber ta uno hopi serio….pero esun cu ta den politica y ta hasi su analisisnan profundo ta pensa totalmente otro.
For di inicio cu sr. Otmar Oduber a bandona gab Mike Eman y partido AVP SIN duna un argumentacion profundo di su motibo pakiko….PPA a hanja esaki cuestionabel. Cuestionabel pasobra pa casi un anja ministro Otmar Oduber tabata manera hiba e pueblo di Aruba na e top di un seroe y tabata grita…..mi ta bai bula…..boso tenemi …si no mi ta bula…pero cu sonrisa riba su cara e tempo ey ministro Otmar a bira wak e pueblo y na moda di papia …a bisa ’ta chansa mi ta hasi’.
WEGA INTERNO DI AVP !
Cu tempo a jega e momento cu segun PPA sr. Otmar Oduber a hanja e senjal di ‘rumannan Eman’ pa bai numa…..situacion ta sina malo pa futuro di AVP cu solamente si tin un partido nobo cu lo por hanja 2 of 3 zetel cu ta di AVP cu nan lo por forma nan tin e oportunidad pa sigui goberna. Y esey ta e unico meta pa cual partido P.O.R a worde funda. Pa hanja e votonan cu ta bandona AVP y strobanan pa bai na partidonan di oposcion.
Pa e motibo aki diferente capitulo di e ‘comedia’ lo mester worde hunga pa crea impression fuerte den pueblo di Aruba cu e ‘split’ entre AVP/Otmar ta profundo y serio . Algun dia pasa pueblo por a aprecia capitulo Ministro Arthur Dowers cu a hanja instruccion pa ataka x ministro Otmar hopi fuerte. Y awor pueblo por a tuma nota di otro capitulo unda e comisarionan nombra pa x ministro Otmar ta worde sacrifica pero ‘PRIMITO’ SI ta keda como ministro. Un wega mas cla y raspa no tin !!
Ta pone e comisarionan rabia y pueblo kere cu e ‘split’ ta serio pa nan campanja …pa x ministro Otmar Oduber ……mientras PRIMITO si ta keda cobra su salario como ministro y ki ora Otmar pidi algo for di gobierno PRIMITO ta regla esaki te cu eleccion tuma lugar. Mientras realidad di bida ta ensera cu mientras cu PRIMITO keda como ministro e ‘interesnan’ mas cardinal di Otmar ta ‘taking care off’.

PPA ta conseha pueblo di Aruba……(Eleccion ta den porta ….Sea cu e ta na September of e ta mas prome manera e acuerdo entre Mike Eman y Otmar tinele planja…..) pa keda leeuw di tanto partido AVP como partido POR. Esnan responsabel pa e crisis, e desaster cu ta primi den saco di henter nos pueblo no mag regresa pa supuestamente salba nos pueblo. Pueblo lo mester scoge partidonan cu no ta responsabel pa e caos economico, e caos social etc den ningun forma. Pesey PPA ta conseha nos pueblo pa no cai pa e drama riba e podium politico berde.
Nan tempo pa bai a jega masha dia kaba…..!! Tur ministro di e actual gobierno aki lo hanja hopi cuenta pa duna dilanti e tribunal di pueblo y ken sa Justicia eventual tambe !

Aruba, 3 di maart 2017 Lider Politico di PPA
BENNY NISBET

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: