KOMUNIKADO DI PRENSA POLISIAL ARUBA 2 MAART 2017

KIEBRO DEN OUTO.
CP a dirigí patruya na e lugar pa stashoná outo di +297 Restaurant en konekshon ku un kaso di kiebro di outo.
Na e sitio, polis a papia ku e propietario, e hòmber O. Avila Torres.
El a deklará ku riba djarason, 1 di mart 2017,alrededor di 19:10, el a stashoná su outo, un Toyota Yaris, kolor maron, numerá A-65344, na e parti nort riba e lugar pa stashoná outo di +297 Restaurant.
E outo tabata intakto i el a laga e outo bon será atras.
Riba djarason 1di mart 2017, alrededor di 23:45, el a bai bèk na su outo i a nota ku deskonosínan a destruí e bentana di e porta na banda drechi
O. Avila Torres a kontrolá i a ripará ku deskonosínan a bai ku su pòtmòni kolor pretu ku kontenido i tambe un tas pretu di e marka Totto ku kontenido ku tabata bou di e stul di pasahero.
A tuma denunsia.
CP, a wòrdu poné na altura di e kaso.
============================
SITUASHON SOSPECHOSO.
CVD a dirigí patruya na Taco Bell, kaminda probablemente trahadornan a skucha un sonido, komo sifuera tin hende riba dak di e lokalidat.
Na e sitio, polisnan a papia ku e chèf di e lokalidat, e dama AC, kende a deklará ku nan tabata hasiendo limpiesa pa despues bandoná e lokalidat,ora ku nan a skucha kon un hende a ranka na e porta ku ta guia pa dak.
AC a disidí di buska asistensia di polis.
Na e sitio, polis a kontrolá e lokalidat ya menshoná, pero mirando ku e porta ku ta guia pa dak, tabata na lòk, ta hasi difisil pa deskonosínan por drenta e lokalidat.
Mas aleu, polisnan no a topa ku ningun partikularidat.
Pèrsonal di Max Security tambe a yega na e sitio i a pone SCP na altura di ún ke otro tokante e kaso.
============================
AKSIDENTÁ I KORE BAI.
SCP a dirigí patruya na altura di Cliffix pa un aksidente.
Na e sitio, polisnan a topa ku un hòmber drumí riba kaminda.
A resultá di ta e konosido vagabundo di nòmber P.
P a deklará ku e tabatin dolor na su man drechi.
For di e deklarashon a sali na klá ku tabata trata di un pikòp di ún kabina, kolor blanku.
E spil di e banda drechi di e pikòp tabata riba kaminda.
Ambulans a yega na e sitio pa banda di 7:44.
Djis despues koleganan di e departamentu di tráfiko tambe a presentá na e sitio.
P. a wòrdu transportá ku ambulans pa haña promé asistensia.
SCP a wòrdu poné na altura di e kaso.
============================
KIEBRO DEN OUTO.
SCP a dirigí patruya na Pitastraat pa un kaso di kiebro den outo.
Na e sitio polis a papia ku e habitante, kende a deklará ku tabata trata di e outo di e zùster di “Wit Gele Kruis”.
E zùster no tabata na e sitio.
Yegando bèk na warda di polis, polisnan a nota ku e zùster di “WGK” ya a presentá na warda pa hasi denunsia.
Kolega na bali a tuma denunsia.
============================
PROBLEMA RIBA LAMAN.
SCP a dirigí patruya na Nikkibeach, unda tabatin un pèrsona ku no tabata duna señal di bida mas
Ora ku patruya a yega na e sitio, ya ambulans tabata presente.
Polisnan a papia ku e instruktor i kapitán RvdW.
Nan tabata den e boto Sea Queen, registrá 1566 di e SE Aruba Fly n’Dive.
“Perswoordvoerder” Lacle i BFTO a presentá na e sitio.
Alrededor di 12:30, dòkter Alvarez a konstatá morto di Donovan.
Polis Marítimo lo sigui ku mas investigashon i slachtofferhulp lo enkargá ku famianan di e difunto Donovan.
SCP a wòrdu poné na altura di e kaso.
============================
DENUNSIA.
Riba 2 di mart 2017, alrededor di 18:25, a presentá na warda di polis e hòmber FEP, pa hasi denunsia tokante kiebro di outo.
FEP a deklará ku riba 26 di febrüari 2017, alrededor di 21:00, el a stashoná su pikòp Nissan, kolor shinishi, numerá A-24416, riba Emanstraat, na altura di “Aquí Me Quedo”.
E pikòp a wòrdu lagá atras na lòk i intakto.
Riba 27 di febrüari, alrededor di 01:00, el a nota ku deskonosínan a bai ku su hèrmèntnan.
============================
UN AKTIVIDAT SIN PÈRMIT.
SCP a dirigí patruya den e area di Piedra Plat, pa un situashon kaminda probablemente tin un mucha bendiendo perfume.
SCP ta sigui deklará ku un pikòp blanku, numerá A-52845, lo ta buska e mucha aki.
Patruya a bai den kaya Kibaima, Tanki Flip, pero no a topa ku ningun hende.
SCP a keda poné na altura di e kaso.
============================
LADRONISIA.
Riba 2 di mart 2017, alrededor di 22:00, a yega na warda di polis, e hòmber MG, pa hasi denunsia tokante ladronisia.
MG a deklará ku riba 2 di mart 2017, el a stashoná su BMW 3.281 kolor kòrá, numerá A-21724, riba Colombusstraat na altura di “Check Point Color”.
E outo ya menshoná a wòrdu lagá atras na lòk i intakto.
Riba e mesun dia ey, alrededor di 21:15, el a wòrdu notifiká ku deskonosínan a kibra den su outo.
============================