KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Aviandrie Kastablank Kampion Infantil di Ahedres 2017 den kategoria U10.

Aviandrie Kastablank Kampion Infantil di Ahedres 2017 den kategoria U10.

Resientemente Federashon di Ahedres Kòrsou (FEDAKO) a tene su kampionato infantil di ahedres 2017 den kategoria U10. Durante e kampionato di ahedres U10 ku tambe a tuma luga serka e patrosinado, Trupial Inn & Casino, kada partisipante ta tin 30 minut pa pensa durante kada wega.
Manera tabata di spera e faboritonan den e kategoria di edat aki tabata Frederic Simonis i Aviandrie Kastablank, kendenan tin 9 aña di edat. E dos rivalnan aki a enfrenta otro den e kuater buelta, na momentu ku tur dos tabata invikto ainda. Den un partido ku a desaroya igual, Aviandrie Kastablank ta logra sera un Alfil di Frederic Simonis pa despues kaptura esaki i drenta e parti final di wega ku un bentaha di material ku tabata sufisiente pa bai ku e viktoria.
Aviandrie a logra kaba e kampionato den forma invikto komo kampion Nashonal kategoria U10 ku 5 punto for di 5 wega. Na di dos luga a sali Frederic Simonis ku 4 punto i na di tres luga a termina Gilian Justiana ku 3 punto for di 5 wega.
FEDAKO a keda hopi satisfecho kon e muchanan a partisipa i disfruta di e evento i tambe gradesido debi ku Trupial Inn Hotel a trit tur e partisipante i e mayornan presente un sukulente pizza i refresko di nan tremendo restorant. Mas alue a parti un regalito tambe na tur e muchanan ku a partisipa prome ku nan a regresa nan kas.
FEDAKO ta sigui hasi su esfuersonan pa ekspone nos hobennan na kompetensia sano i ta kontinua djasabra 11 di mart proksimo ku su di tres i ultimo kampionato infantil pa loke ta trata 2017. E ultimo kampionato infantil lo ta den e kategoria U12 i lo tuma na sentro di bario Janwe. Durante e evento aki tur mucha bou di 12 riba 1 yanüari 2017 por partisipa.
Pa mas informashon por yama 512 0007 of por bishita e pagina di Federashon di Ahedres di Kòrsou riba Facebook

dscn8352

dscn8387

639114718427035"
639114718427035"