Awe 13:45 or Korte di Apelashon (Hof) ta duna su desishon den e kaso di petishon pa bolbe habri e kaso bek di Frailon Pieter.

Info OM:
Awe 13:45 or Korte di Apelashon (Hof) ta duna su desishon den e kaso di petishon pa bolbe habri e kaso bek di Frailon Pieter. Ta trata di un asina yamá “herzieningsverzoek”. Pieter a keda sentensiá na 2006 na un kastigu di 24 aña pa asesinato di Albertico Martha dia 8 di òktober na altura di Bandera Grill den Kanga. El a keda sentensia pa Korte Promé Instante i pa Korte Apelashon miéntras ku e kastigu a keda konfirmá tambe na Hoge Raad di Ulanda. Na 2012 tambe a trata na bolbe habri e kaso pero esei no a otorgá pa Hof.
Awe pa 13:30 or ta trata awe den Korte Sivil un Huisio Sumario (kortgeding) di Pais Kòrsou/Ministerio Públiko (OM() kontra sr. Norbert George. Sr. George a ninga di rektifiká un veredikto di Wes resientemente. El a bisa públikamente di lo no rektifiká akusashonnan falsu kontra Ministerio Públiko i ta motibu pa pidi Wes awe mèrdia un oumento supstansial di e ‘dwangsom’.