PAR NO TA DIL KU ORGANISASHONNAN KRIMINAL (MAFIA).

PAR NO TA DIL KU ORGANISASHONNAN KRIMINAL (MAFIA).

Awor ku Amparo Dos Santos (KDNT) den parlamento dia 3 di mart 2017 abiertamente a atmití i a konfirmá ku é, huntu ku su ruman Robby Dos Santos, mientrastantu ta pertenesé na e taki di mafia Italiano, e mesun Dos Santos ke bin tira lodo riba partidonan tradishonal i di trayektoria largu di lo a tuma sèn di mafia.
PAR di un banda ta kontentu ku banda di un hues imparsial den e kaso penal di Gerrit Schotte, awor doño di kurpa Amparo Dos Santos finalmente mes ta atmití ku e ku su ruman a disidí di kita for di e rumbo di empresarionan komun i koriente, pa empresario ku a drenta den baho mundu i buska forma pa fasilitá mafia drenta gobernashon di Kòrsou via nan mes partidonan (promé MFK i awor tambe KDNT).
PAR di e otro banda ta kuestioná i kondena e rumannan Dos Santos pa a base di nan desishon personal pa drenta den baho mundu, awor ta bin tira lodo riba PAR i otro partidonan i asina purba di trese un konekshon entre mafia i PAR banda di e konekshon awor konfirmá entre mafia i MFK/KDNT. E manipulashon maligno aki no ta étiko i tin ku korte den tòm mesora.
Es mas, ta mas ku lógiko ku tempu ku rumannan Dos Santos tabata empresarionan ehemplar komun i koriente, tur partido tabata ofresé e rumannan Dos Santos karchi di fundraising di nan partido. I e ta un realidat ku rumannan Dos Santos di nan banda tabata kumpra karchi di fundraising serka tur partido inkluso serka PAR. Pero pa awor bin pretendé ku partidonan tur ten a tuma sèn di mafia no ta kuadra ku realidat. Realidat ta ku ta rumannan Dos Santos ketu ketu sin bisa niun hende a drenta den baho mundu i niun otro hende òf partido polítiko. Es mas, PAR for di ora a haña sa ku rumannan Dos Santos tabata diki diki metí den baho mundu, nunka mas no a ofresé rumannan Dos Santos karchi di fundraising i sigur no ora bèrdatnan tabata saliendo na kla i kabesantenan grandi ta wòrdu investigá i buská pa hustisia. PAR no ta dil ku organisashonnan kriminal pero ta traha ku individuonan i empresarionan di buena fe ku ke pa Kòrsou bai dilanti.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: