Raad voor de Rechtshandhaving ta konstatá: TIN HOPI MODIFIKASHON KU MESTER KEDA HASI NA SENTRO PA DETENSHON I KOREKSHON KÒRSOU

Raad voor de Rechtshandhaving ta konstatá: TIN HOPI MODIFIKASHON KU MESTER KEDA HASI NA SENTRO PA DETENSHON I KOREKSHON KÒRSOU

WILLEMSTAD – Ministerio di Hustisia riba término korto mester dediká atenshon na personal di Sentro pa Detenshon i Korekshon Kòrsou (SDKK). Ta trata primariamente di e kalidat (bou di kua tambe konosementu) i kantidat di e personal, banda di e ousensia haltu debí na malesa. Banda di esaki mester oumentá seguridat i integridat. Esaki ta bon pa e siguridat di e detenido, e persona mes i komunidat di Kòrsou. Esaki ta loke Raad voor de Rechtshandhaving ta konsehá den su rapòrt di inspekshon ku ela hasi tokante SDDK. Meta di e investigashon tabata pa inventarisá te kon leu e seguridat di e instituto, seguridat di personal i e detenidonan ta regla.
Rapòrt di inspekshon a keda entrega na Minister
E rapòrt di inspekshon a keda entrega na Minister di Hustisia i konforme e lei ta ser publiká. Den e rapòrt Raad ta hasi rekomendashonnan manera esun ya indiká. Tin mas punto ku meresé atenshon: Raad a kompilá puntonan ku mester keda atendé pronto pa e Minister i SDDK. Ta trata di aspektonan di lei i regulashon, maneho òf infrastruktura pero tambe aspektonan práktiko manera pèrkurá pa kita yerba i mata na e muraya pafó, pèrkurá pa un maneho adekuá di yabinan i iluminashon den SDDK.

Adaptashon di lei i regulashon
Raad ta di opinion ku e lei i reglanan ku ta rigi e instituto penitensiaro i ku ta pone kuadro pa e direktor di SDDK mester keda adaptá. E lei i reglanan aki ta duna e direktor di SDDK, e outoridat pa evitá iregularidat den prizòn. E ta duna outoridat spesífiko pa garantisá, òrdu, seguridat i ku kos ta kana bon den prizòn.

Rekomendashon
Pa loke ta trata seguridat prosedural, Raad ta remarká ku SDDK no tin sufisiente plan di maneho i instrukshon. P’esei riba término korto mester bin ku i aprobá plannan di maneho i preskripshon.
Asina Raad loke mira personanan ku ta okupá funshonnan di konfiansa den SDDK pasa un investigashon tokante seguridat. E investigashon aki mester keda hasi di awor en adelante na momentu ku e persona drenta servisio.

Pa loke ta seguridat Raad ta yega na e konklushon ku mester traha deligentemente na adaptashonnan riba tereno di personal, infrastruktura i instrumèntnan di seguridat. Riba término korto mester introdusí un evaluashon kada aña di seguridat, integridat, BHV- i traha òf adaptá, kaminda mester plan di kalamidat i desalokashon di SDDK
Komunikashon interno
Raad ta di opinion mas aleu ku personal mester ta na altura di e maneho i ku e kontrol i supervishon riba ehekushon mester keda mehora. Pa hasi esaki e instituto mester kuminsá pa traha un plan di komunikashon pa despues ehekutá.

E rapòrt kompletu ta disponibel digital riba http://www.raadrechtshandhaving.com.

This site uses Akismet to reduce spam. Learn how your comment data is processed.

error: Content is protected !!
%d bloggers like this: