KOMUNIKADO DI KUERPO POLISIAL KÒRSOU Detenshon di sinku sospechoso.

KOMUNIKADO DI KUERPO POLISIAL KÒRSOU
071 / 2017
8 mart 2017
Detenshon di sinku sospechoso.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 7 di mart 2017, alrededor di 20.39 or Sentral di polis a risibí notifikashon di un ladronisia ku violensia ku a tuma lugá na un mini market riba Cadushistraat. For di un investigashon ku polis a realisá na e sitio a resultá ku kuater hòmber di kual tres ku arma di kandela den man a drenta e establesimentu. Bou di menasa nan a bai ku diferente artíkulo for di den e establesimentu. Polis a kuminsá ku un búskeda den e área pero no a logra en kontra ku e sospechosonan. Kontinuando ku e investigashon polis a kontrolá sinku hòmber ku tabata sintá dilanti un kas na Kaya Halo. Un di e hòmbernan tabatin un telefòn den su poder ku probablemente ta prosedente di e ladronisia ku violensia na e mini market na Cadushistraat. Relashoná ku esaki djárason 8 di mart 2017 alrededor di 00.15 or polis a detené e hòmbernan sospechoso:  W.D.C.W di 32 aña di edat  S.M.S. di 22 aña di edat  H.B. di 25 aña di edat  L.M.L. di 22 aña di edat  C.J.C.R. di 20 aña di edat, tur ta nasé na Kòrsou. Polis a tene entrada hudisial na kas di e sospechosonan pero no a en kontra ku nada partikular. A presentá tur e sospechoso dilanti un fiskal ouksiliar ku a ordená nan enkarselamentu pendiente mas investigashon.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: