“Entrega di lista di kandidatonan 10 di mart 2017″
“Entrega di lista di kandidatonan 10 di mart 2017″
Djabièrnè 10 di mart 2017 ta e dia ku agrupashonnan polítiko ku ta interesá pa postulá kandidato pa elekshon di 28 di aprel 2017 mester entregá nan lista di kandidato na Konseho Supremo Elektoral. Segun artíkulo 15 insiso 1 di e Ordenansa di Elekshon (A.B. 2010 no.87) por entregá e listanan di kandidato solamente entre 9or di mainta i 4or di atardi na Kranshi den sala di matrimonio.
Konseho Supremo Elektoral ke rekordá tur persona o instansha ku ta bai hasi uso di Roodeweg i Breedestraat (O) ku e aktividat di entrega di lista lo opstakulisá fluho di tráfiko entre 8or di mainta i 4or di atardi. Mester sigui instrukshon di polis, ku ta esun enkargá ku reglamentu di tráfiko i mantenshon di órden públiko.
Na mes momentu ta bon pa informá ku Kranshi ta sigui operá normalmente. Klientenan ku tin sita pa sédula of pasport, tin ku paga tinu pa yega riba e orario stipulá.
Tambe Konseho Supremo Elektoral ta informá ku pa awe, djaweps (9 di mart 2017), Konseho Supremo Elektoral a risibí petishon di 13 agrupashon polítiko ku a demostrá interes pa postulá kandidato pa elekshon di 28 di aprel 2017.
Pa loke ta trata e orario ku kada agrupashon polítiko a akordá, por mira e skema athunto.
Atentamente,
Presidente Konseho Supremo Elektoral,
Drs. Raymond (Pacheco) Römer.
