Pronóstiko di tempu pa Kòrsou i bisindario bálido te djasabra mainta 06:00 o.l., 11 di mart 2017.

Pronóstiko
Pronóstiko di tempu pa Kòrsou i bisindario bálido te djasabra mainta 06:00 o.l., 11 di mart 2017.
Kompilá: Djabièrnè 10 di mart 2017, 05:00 o.l. (09:00 UTC)
KÓDIGO HEL: PREKOUSHON PA LAMAN BRUTU.
Tempu: Por lo general parsialmente nublá i lokalmente lo kai awe mainta algu di áwaseru di durashon kòrtiku. Sobrá di tempu wer seku lo prevalesé.
Temperatura máksimo lo alkansá 31ºC i temperatura mínimo 25ºC.
Solo ta sali 06:46 i ta baha 18:46 o.l.
Bientu: For di prinsipalmente direkshon ost i moderá te basta fuerte; forsa 4 te 5 (20 te 39 km/ora, 11 te 21 nudo). Prinsipalmente den dia òf durante di áwaseru, de bes en kuando fuerte te duru den ráfaga; forsa 6 te 7 (40 te 61 km/ora, 22 te 33 nudo).
Situashon general: Durante di próksimo 24 ora algun nubia lo sigui pasa de bes en kuando riba nos region. Lokalmente lo kai prinsipalmente awe mainta algun áwaseru di durashon kòrtiku. Mas aleu, diferensha den preshon di aire lo keda awe tambe basta grandi den Área di Karibe. Esei lo sigui resultá den momentunan ku bastante bientu riba nos isla.
Kondishon di laman: Moderá te bastante brutu ku altura di olanan entre 1.5 te 2.5 meter (5 te 8 pia). Pa e motibu aki ta sigui pidi okupantenan di boto chikí pa tene kuenta ku laman bastante brutu (Kódigo Hel) na espesialmente nos kosta nort i den e pasashinan pariba i pabou di Kòrsou.
Fenómeno spesial: Ningun.
Perspektiva te djadumingu mainta: Lévemente te parsialmente nublá, de bes en kuando basta bientu i wer seku lo prevalesé.
Meteorólogo: Capello.
E próksimo boletin di tempu (na hulandes) lo wòrdu publiká djabièrnè 11:00 o.l. (15:00 UTC).