Pronóstiko di tempu pa Kòrsou i bisindario bálido te djadumingu mainta 06:00 o.l., 25 di yüni 2023.
Pronóstiko
Pronóstiko di tempu pa Kòrsou i bisindario bálido te djadumingu mainta 06:00 o.l., 25 di yüni 2023.
Kompilá: djasabra 24 di yüni 2023, 05:00 o.l. (09:00 UTC).
KÓDIGO HEL: UN MENSAHE DI PREKOUSHON PA LAMAN BRUTU BALIDO PA ÁREA DI KOSTANAN DI KÒRSOU
Tempu: Parsialmente te hopi nublá ku algun áwaseru. Lokalmente tambe por tin welek i bos.
Temperatura máksimo lo alkansá 32ºC i temperatura mínimo 25ºC.
Solo ta sali 06:13 i ta baha 19:03 o.l.
Bientu: Entre sùitost i sùit i suak te moderá; forsa 2 te 4 (7 te 30 km/ora, 4 te 16 nudo). Prinsipalmente den dia, ráfaga nan de bes en kuando basta fuerte te duru; forsa 5 te 7 (31 te 61 km/ora, 17 te 33 nudo).
Situashon general: Tormenta Tropikal Bret ta sigui move den direkshon wèst i ta alehá for di islanan ABC. Sinembargo, nubianan ku ta kana parti patras di e sistema aki lo sigui pasa riba nos isla i generá momentunan di áwaseru kompañá lokalmente ku welek i bos. Mas aleu, kondishon di laman lo kontinuá brutu debí na resake generá pa Tormenta Tropikal Bret.
Kondishon di laman: Moderá te brutu ku altura di olanan entre 1 i 2.5 meter (3 i 8 pia). Motibu pa kua tin un Boletin Spesial na vigor.
Sistemanan signifikante di wer tropikal: Tormenta tropikal Bret awe mainta ta situá wèst di Aruba, moviendo wèst i ta alehá di islanan ABC. Un otro tormenta tropikal, esta Cindy ta moviendo wèst nortwèst riba Oséano Atlántiko i ta premirá ku e tormenta aki lo sigui un pasashi proyektá ost i nort di Karibe. Tormenta Tropikal Cindy no ta forma un menasa pa nos isla.
Fenómeno spesial: Ningun
Perspektiva te djaluna mainta: Por lo general parsialmente nublá i no ta antisipá áwaseru signifikante.
Meteorólogo: Rombley