MINISTERIO PUBLIKO TA INFORMA

Info OM:
E findishi di 82 outo, boto, motosaikel, seadoo, trùk i skùter di Ministerio Públiko (OM) Kòrsou i Afpakteam Kòrsou a terminá djaweps. E benta a produsí un montante nèto di 600.000 dòler ku ta algu mas ku 1 mion florin Antiano. Ministerio Públiko Korsou ta hopi satisfecho ku e resultado aki.

Mas ku 52.000 persona a bishita e paginá di OM riba e wèpsait di BVA Auctions.  Tur 82 artíkulo ku tabata na benta pa medio di e findishi a keda bendí.