500+ boluntario registra pa CARIFTA GAMES
500+ boluntario registra pa CARIFTA GAMES
Willemstad – Manera ya kaba konosí, Kòrsou ta organisado di e Flow Carifta Games 2017. E evento di atletismo mas grandi di Karibe aki, lo tuma lugá di dia 15 pa 17 di aprel 2017.
Pa Korsou por risibi 27 pais ku mas ku 600 hende konsistiendo di atleta, delegado, medikonan i tambe ofisials, nos mester di un organisashon grandi. Ta pesey e Komite Organisador StOA (Stichting Organisatie Atletiek evenementen) a buska for di ana pasa boluntario pa bin yuda ku e diferente gruponan di trabou. Ku ayudo di nos topatletanan Churandy Martina, Liemarvin Bonevacia, Terrence Agard i Hensley Paulina, a traha un videospot pa hana atenshon di hende pa registra komo boluntario.
Esaki tabata eksitoso, i for di ana pasa StOA a organisa seshonnan ku e 500+ boluntarionan yama “Meet & Greet” pa informa nos boluntarionan riba e desaroyonan.
Djasabra ultimo a organisa atrobe un Meet & Greet, kaminda tabata tin presensia di e teknikonan Prof Garth Gayle, i Conrad Francis, ku a bini Korsou pa un kontrol riba e preparashonnan. E embahadora pa Carifta Games sra Rutheline Koeiman tambe tabata presente i e 225 boluntarionan presente a hanja e lastu update pa ku e Carifta Games. Tambe a hasi huso di e oportunidat pa saka potret di tur hende, pa asina kumisa ku e preparashon di e akreditashonnan pa e boluntarionan.
E diferente gruponan di trabou ta sigui ku e preparashonnan, i e prome siman di aprel lo tin e kickoff ofisial ku nos boluntarionan i tambe nos atletanan.
E siguiente aktividat ta e kompetensia di atletsimo e wikent aki 18 i 19 di aprel den nos stadion di SDK.



