Deskubrimentu di slak sin kaska (“nudibranch”) ekstraordinario ta suprayá diversidat di e refnan di Boneiru  

Deskubrimentu di slak sin kaska (“nudibranch”) ekstraordinario ta suprayá diversidat di e refnan di Boneiru  

 

Un notisia emoshonante pa Parke Nashonal Marino Bonaire (BNMP), ku dokumentashon di e promé registrashon ku a mira un “Aegires sublaevis, un slak sin kaska ekstraordinario, na e sitio di sambuyá ‘the Cliff’ den 2021. Ta inkreibel, na ningun otro lugá den region di Karibe no a dokumentá registrashon di e slak sin kaska akí, i e deskubrimentu ekstraordinario akí ta demonstrá e diversidat – konosí i deskonosí – di e refnan ku BNMP ta protehá for di 1979. Boneiru ta sigui gana premio pa sambuyamentu rònt mundu ku su magnífiko naturalesa makro anto e deskubrimentu akí ta sigui suprayá dikon konservashon di ref ta di hopi importansia. 

 

Slak sin kaska (“nudibranch”), un sorto di kokolishi, ku ta fasiná tantu biólogo komo sambuyadó rònt mundu. Un grupo diverso, ku miembronan konosí pa nan kolónan ku hopi detaye, nan abilidat pa realisá fotosíntesis, i tin biaha nan aktuashon kanibalístiko; a krea un mundu di siguidó fanátiko pashoná konsistiendo di tantu fotografnan supmarino komo tambe sientífikonan. Forumnan rònt mundu ta uni investigadó, sientífiko ku fotograf den nan lucha pa deskubrí i dokumentá e bestianan chikitu akí ku tin personalidat grandi. Ta pa medio di un di e forumnan akí ku e investigadó dr. Leslie Wilk, kende ta ko-outor di “Reef Creature Identification: Florida Caribbean Bahamas”, a bin topa ku e outor Tricia O’Malley, kende ta un fotograf supmarino amatùr, ku tabatin e úniko pòrtrèt konosí di e slak sin kaska ekstraordinario, “Aegires sublaevis” den e region di Karibe. 

 

“Ami ta yama e slak sin kaska akí kariñosamente “Glow Cheese,” Keshi Briante, pasobra ami no por a logra haña su identifikashon korekto. Su koló hel briante ku kueru ku mancha iregular a pone mi kòrda un blòki di keshi suiso. Mi tabata kontentu di a deskubrié na e sitio di sambuyá the Cliff – un di mi sitionan faborito pa naturalesa makro i pa sambuyá anochi,” O’Malley a deklará. 

 

Kasualmente, dor di un diskushon ku dr. Wilk, O’Malley a bin haña sa ku el a deskubrí tambe un otro slak sin kaska ekstraordinario, na e mesun sitio – un miembro sin deskripshon ainda di e famia sientífiko “Dorididae”. 

 

“Mi ta gusta sambuyá anochi pasobra e refnan berdaderamente ta yen di bida den skuridat. Mi ta keda asombrá ku despues di sentenáres di biaha di bai sambuyá na Boneiru, ainda mi ta deskubrí kos nobo eksitante kada biaha ku mi ta sambuyá. ‘The Cliff’ ta un sitio di sambuyá asina yen di presiosidat ora ta trata di mira slak sin kaska, i ami no por splika kon kontentu mi ta bira ora mi mira naturalesa makro presioso i ekstraordinario. Ami ta sinti mi berdaderamente honrá ku mi ta biba na un lugá ku ta deklará ku nan tin kompromiso ku protekshon di ref. E suseo aki ta mustra simplemente ku tin asina tantu kos pa siña di e ekosistema delikado di ref i ku Hulanda lo mester konsiderá ku e ref di koral di  Boneiru ta un berdadero prenda real ku mester konservá a kosto di tur kos,” O’Malley ta kontinuá. 

 

Den su investigashon, dr. Wilk a deskubrí tambe otro slaknan sin kaska ekstraordinario ku Ellen Muller, un amante di naturalesa lokal, a mira na Boneiru. E slaknan akí ta “Trapania bonellenae”, i tambe un espesie no deskribí di e famia “Cerberilla”. E deskubrimentunan akí ta yuda suprayá mas ainda e diversidat ekstraordinario di e ref di Boneiru.  

“E deskubrimentunan resien ta demonstrá ku Boneiru, en partikular, tin diferente espesie ekstraordinario i ku no ta deskribí ainda.  Esun di mas ekstraordinario ta “Trapania bonellenae”, un slak sin kaska endémiko, ku a haña un nòmber ku ta referí parsialmente na e isla i parsialmente na e habitante lokal kende a deskubrié. A saka pòrtrèt di “Aegires sublaevis”, un espesie ku skars ta mira  na kualke parti di mundu, na Boneiru. A haña espesienan no deskribí di “Spurilla”, “Cerberilla”, i “Dorididae” den awanan plat di Boneiru, pero na ningun otro parti na mundu. Tin ku menshoná tambe ku a haña tambe un espesie di “Elysia flava” ku un forma di koló raro,” dr. Wilk ta deklará.  

 

“E aspektonan ekstraordinario di Boneiru su slaknan sin kaska ta ekstendé pa otro grupo di famia biológiko i sientífiko di animal. Por ehèmpel, e resultado provishonal di e resúmen di e biodiversidat marino di Boneiru 2020, ku fondo di Naturalis Biodiversity Center i ANEMOON Foundation, a deskubrí e eksistensia di por lo ménos shete espesie di animal invertebrá ku ta nobo pa siensia. Mi ta menshoná esaki pa suprayá ku investigashon sientífiko kontinuo ta revelá ku Boneiru su naturalesa marino ta mas diverso i remarkabel ku a spera ku esaki di ta. Korespondiendo na e deskubrimentunan akí, outoridatnan gubernamental ku ta krea i implementá maneho di desaroyo di área di kosta, mester pone mas énfasis ainda riba tumamentu di desishon ku ta respetá, protehá i konservá medioambiente marino di e isla,” dr. Wilk ta trese dilanti. 

 

Implikashonnan 

E deskubrimentunan akí ta duna mas komprendementu di e ekosistemanan di Boneiru su refnan di koral i e oportunidat pa deskubrimentu nobo den naturalesa marino. Ta sumamente importante pa protehá un medioambiente kaminda ainda ta deskubrí espesienan nobo. Ora desaroyo na Boneiru ta oumentando, e preshon riba e ekosistema di ref dinámiko tambe ta oumentá, i lo ta esensial ku konservashon ta un guia pa futuro di Boneiru. 

Lo publiká deskubrimentu di e “Aegires sublaevis” den e próksimo guia di tereno “Tropical West Atlantic Sea Slugs” / Slak di laman sin kaska den Atlántiko Tropikal Wèst. 

 

Registrá loke bo mira 

 

A registrá e kasonan ku a mira slak sin kaska na Observation.org: https://observation.org/observation/229037868/ 

Reportahe di espesienan di parti di hende di e komunidat lokal i di turista ta di gran balor pa esfuersonan di konservashon pa yuda hisa konsiensia di públiko i pa protekshon general di espesie.  

Bo por registrá loke bo a mira den naturalesa i bo pòrtrètnan riba e wèpsait www.Observation.org òf baha e appnan grátis na (iPhone (iObs) & Android (ObsMapp)). Por manda bo informashon tambe pa research@DCNAnature.org pa asistensia kon pa registrá bo datonan. 

 

 

Zeldzame naaktslak, Aegires sublaevis, gerapporteerd op Bonaire. Deze naaktslak is nergens in het Caribisch gebied gedocumenteerd Foto credit: Tricia O’Malley

Un miembro sin deskripshon ainda di e famia sientífiko “Dorididae. Foto: Tricia O’Malley

 

Download HR foto’s: https://we.tl/t-LNTvN8PjoO

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: