GOBIÈRNU HUNTU KU OK BAND TA LANSA VIDEO “SO FAR SO GOOD”

MINISTERIO KONSERNÍ SALUBRIDAT PÚBLIKO, MEDIO AMBIENTE I NATURALESA

 

GOBIÈRNU HUNTU KU OK BAND TA LANSA VIDEO “SO FAR SO GOOD”

PUBLIKÁ RIBA 28 DESÈMBER 2021

Promé Minister sr. Gilmar Pisas huntu ku Minister suplente di Ministerio di Enseñansa, Siensia, Kultura i Deporte sra. Dorothy Pietersz-Janga,  na nòmber di Gobièrnu di Kòrsou, ta lansa e video klip: ‘So Far so Good’

WILLEMSTAD – Gobièrnu di Kòrsou ta lansa e ‘video clip’ titulá “So Far so Good” di Organisashon Kompletu (OK Band) huntu ku representante di e banda sr. Lionel Rosalina. Minister Presidènt sr. Gilmar Pisas huntu ku Minister suplente di Ministerio di Enseñansa, Siensia, Kultura i Deporte i alabes Minister di Salubridat Públiko, Medio Ambiente i Naturalesa sra. Dorothy Pietersz-Janga, a hasi lansamentu di e ‘video clip’ den sala multifunshonal Jerry Lasten (Media Room) na Fòrti.

Na novèmber 2022 OK Band ta hasi 35 aña i relashoná ku esaki nan a aserká Minister di Enseñansa, Siensia, Kultura i Deporte sr. Sithree van Heydoorn pa huntu ban promové e kansion “So Far So Good”. Den kuadro di nan aniversario OK Band a uni un total di 15 músiko, integrante i kantante pa traha algun produkshon nobo di forma ku asina por ranka sali ku selebrashon di aniversario. OK Band ta bai graba vários piesa nobo i e promé ta “So Far So Good”. E piesa tin komo meta pa stimulá henter pueblo di Kòrsou pa nos ban sigui biba di un forma resiliente i sigui padilanti di forma positivo den e pandemia di COVID-19.

Minister Presidènt sr. Gilmar Pisas huntu ku Minister sra. Dorothy Pietersz-Janga a para ketu na e echo ku mei mei di e pandemia ku tur e problemanan sosial, tòg tin hende ta traha riba positivismo. P’esei ta ku hopi orguyo ta hasi lansamentu di e ‘video clip’ ku tin komo ophetivo pa huntu krea un ambiente positivo den e pandemia di COVID-19.

Gobièrnu di Kòrsou ta felisitá OK band ku su 35 aña di eksistensia i ta gradisí nan pa krea un kansion ku imágen i video ku ta inspirá speransa. E mensahe ta mas ku kla i esei ta ku nos mester keda ku fe pa superá kontratempu.

*Download e letranan di e kansion i video:

– link: So Far So Good (1)

– link: Video Clip “So Far So Good”

 

**riba e video por tuma nota di e momentu ku Promé Minister sr. G. Pisas ta lansa e video den presensia di representante sr. Lionel Rosalina di OK Band i  Minister suplente di ESKD sr. D. Pietersz-Janga.

Video Player

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: