Para Firme

Para Firme

Willemstad- Relashoná ku dia internashonal di hende muhé, tabatin un anochi di selebrashon na Iglesia House of Worship pa hende muhénan di Kòrsou. Tabata un tremendo anochi di alabansa adorashon, halsando Kristu Hesus komo Rei i enfatisando ken e ser muhé ta den bista di Dios. Spesialmente pa e okashon akí un kor di hende hòmber a kanta e tema ‘Un gran muhé’, miéntras ku HOW dancer boys tambe a glorifiká Dios pa medio di un tremendo baile.

Pastora Arlette Juliet a enkurashá e hende muhénan presente pa para firme pa medio di Dios Su poder i pa nan para firme riba e baranka ku ta Kristu. Tabata un anochi kargá ku e gloria di Dios.

E kompilashon di foto ta duna un idea di loke a pasa e anochi ei.