Minister Koeiman a bai pone su mes na altura di destrukshon / vandalismo kometé na krèsh Dede Pikiña
E malechornan a rommel den kos di hunga di e muchanan, a kibra diferente bentana di glas i a hasi shushi den e lokalidatnan. Minister Koeiman a papia ku direktor i alabes direktiva pa ser informá di e suseso lamentabel aki i tambe tende di e direktiva kiko ta posibel opshonnan pa e krèsh operashonal mas lihé posibel. Minister Koeiman pa rekomendá direktiva pa sigui tene e kontakto ku ku Polis i Brandwer mas estrecho posibel pa por haña un lus bèrdè di parti di e dos instansianan aki promé ku bolbe habri e krèsh. Direktor di e krèsh a informá sr. Minister ku habitantenan di e bario a desaprobá e akto di un forma kategóriko. Danki na algun abitante atento por a aviso brantwer basta lihé pa e daño no tabata ainda mas grandi. Direktiva ta pensando riba formanan pa oumentá seguridat ya ku ta kada bes e krèsh tin di haña nan mes konfrontá ku kiebro.
