Klaro ku si, ta bon pa evaluá e Lei 2012 di Integridat di (kandidato) ministernan!

Klaro ku si, ta bon pa evaluá e Lei 2012 di Integridat di (kandidato) ministernan!

Parlamentario Curtley Obispo den e reunion publiko di Parlamento di Kòrsou di dia 20 yüni 2019, a indiká bon kla ku integridat ta riba tur kos! Sigur esaki tambe ta konta pa loke ta e Lei di Integridat 2012 kual ta na vigor i ta kontené reglanan tokante integridat di (kandidato) ministernan, e P.B 2012 no. 66. Sigur despues di kasi 7 aña, a yegá e momento pa evaluá e lei aki a base di diferente desaroyonan. Desaroyonan, kual ta pidi un evaluashon di e Lei di Integridat 2012, ku ta kontené reglanan tokante integridat di (kandidato) ministernan.  Evaluashon semper ta bon! Mester evaluá pa eventualmente trese kambionan den e lei aki. Riba inisiativa di Minister Presidènt i di Asuntunan General, señor Eugene Rhuggenaath, Gobièrnu di Kòrsou den e dekreto gubernamental di 13 yüni 2019 no. 19/1072, a instalá un komishon pa evaluá e lei ariba menshoná. Un desishon i e dekreto gubernamental ku parlamentario Curtley Obispo sigur ta sostené den kuadro di evaluashon di leinan di Pais Kòrsou. Den kaso spesífiko aki un evaluashon di e lei ariba menshoná i eventualmente kambio di lei a base di e rapòrt di evaluashon di e komishon dor di konsultá e diferente aktornan ku tin di haber ku ehekushon di e lei ariba menshoná. . Pa asina e lei bira aun mas fuerte i tambe ta sigui garantisá integridat di ministernan di Pais Kòrsou ku asumí e funshon i tambe durante nan mandato komo ministernan di Pais Kòrsou.

Parlamentario Curtley Obispo a vota pro e moshon pa Parlamento di Kòrsou tambe instalá un komishon temporal di parlamento a base di e moshon aprobá dia 20 yüni 2019. Moshon ku Parlamento di Kòrsou a aprobá ku 12 voto pro i 6 kontra. Ku instalashon di e komishon temporal di parlamento, tur 7 frakshon ta representá i por duna asina nan aporte balioso pa ku evaluashon di e lei ariba menshoná. Finalmente parlamentario Curtley Obispo a base di hecho nan,  a indiká bon kla durante e reunion ku segun RIS ( e sistema di informashon di Parlamento di Kòrsou): Parlamento di Kòrsou a risibí riba 11 òktober 2012 e konsepto di Lei di Integridat 2012 huntu ku e konseho segun lei di e Konseho di Konsulta (“Raad van Advies). Ku otro palabra a base di hechonan riba 11 òktober 2012 a drenta den Parlamento di Kòrsou: (1) e konsepto di lei di integridat 2012 ku e reglanan tokante integridat di (kandidato) ministernan, huntu ku (2) e konseho fecha di 6 ougùstùs 2012 di Konseho di Konsulta. Konseho ku a wòrdu pidi na Konseho di Konsulta dor di  e promé Gobièrnu di Kòrsou dia 23 aprel 2012

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: