ASISTENSIA DI POLIS ARUBA 12 032017

  A TOPA ARTÍKULO HÒRTÁ
SCP a dirigí patruya na Torricellistraat #9 i  #11, pa asistensia.
Na e sitio, polis a papia ku e habitante di e kas # 11, di nòmber T, kende a deklará ku riba 11 di mart 2017, alrededor di 23:00, ora el a bai pafó,el a mira ku e porta na banda robes, parti patras di su outo
( Honda Civic, pretu,A-50529), tabata habrí.
E outo tabata stashoná dilanti di su kas.
Mas aleu el a deklará ku el a kontrolá su outo i tur kos tbt intakto.
Nada no a wòrdu hòrtá.
Ademas T a deklará ku despues di esaki, el a bai kontrolá rondó di su kas, pa mira si tur kos tabata na òrdu.
Dilanti kas # 9, T i e habitante di e kas # 9, a haña un kassa blanku, butá na suela.
Polisnan a hiba e kassa na warda di polis Oranjestad, kaminda lo e wòrdu poné den e deposito.
E kaso ta den mas investigashon.
============================
       
          ASISTENSIA PÚBLIKO.
Riba 12 di mart 2017, alrededor di 02:30, CMK a dirigí patruya na un kas na Schotlandstraat pa un intermediashon.
Na e sitio polisnan a papia ku e dama V i e hòmber O.
V a deklará na polis ku a surgi un interkambio di palabra entre e vigilante i un di e kantantenan di e banda Nfuzion.
Seguidamente e vigilante a dal O den wowo i orea.
Despues e vigilante a ranka V, ku tabata pará pafó den e kurá i hink’é paden.
Polisnan a papia ku e vigilante, kende su nòmber ta L.
El a deklará ku e ta traha komo kordinadó na e fiesta ey di e kas.
L a mira ku un di e integrantenan di Nfuzion tabata humando den e kas i a papia kuné tokante esaki, mirando ku esaki tabata prohibí.
Mas despues O a bin bisa L ku el a huma henter anochi den e kas i ku niun hende no a bisé nada. Despues O a pusha L den su pechu ku tur dos man i a kana bai pafó.
Dor di esaki L a bai konfrontá O pafó di e kas.
L a deklará ku O a dal’e moketa den  su wowo robes i L a dal’e bèk.
A partisipá na ambos partido pa bai hasi denunsia na warda di rechèrche den oranan di dia.
CMK a wòrdu poné na altura di e kaso.
============================
          
            ROBO DI VEHÍKULO.
Riba  12 di mart 2017, a yega  na warda di polis, e hòmber E, pa hasi denunsia tokante su motorsaikel.
E a deklará ku riba 11 di mart 2017, alrededor di 18:40, el a stashoná su motorsaikel patras di e kasita di vigilantenan di High Rise Hotel, na e parti suit di e edifisio.
Riba 12 di mart 2017, alrededor di 02:00, el a regresá na su motorsaikel i a mira ku deskonosínan a bai kun’é.
E a deklará ku e vigilante a bisa ku e no a mira nada.
Segun E, e vigilante lo tabata na soño.
Mas aleu E a deklará ku riba 9 di mart 2017, alrededor di 18:40, el a stashoná su motorsaikel na e mesun sitio ariba menshoná i a bai na su “locker”.
Ora el a yega na su “locker”, el a nota ku el a pèrdè un di e suichnan di e motorsaikel. I el a bira bèk riba e mes un ruta, pero no a haña e suich.
E motorsaikel ta un Sigma Bike, SE-150, kolor kòrá di e aña 2016, number di motor. LXSYCKLY4G 1001477 i plachi di number MFA-2129.
Na e motorsaikel e tabatin un hèlmu pretu ku blanku.
A hasi denunsia.
WCD i SCP a wòrdu pone na altura di e kaso.
============================
         
           PÈRSONA NO DESEÁ.
SCP a dirigí patruya di San Nicolas na Sabana Basora, unda tabatin un bishitante no deseá.
Na e sitio polisnan a papia ku e dama DM Hazel, kende a deklará ku el a topa un mucha hòmber den e kamber di su yu muhé.
E mucha hòmber ta konosí p’e.
E yu muhé S.M.H. ta menor di edat i e mucha hòmber tin 25 aña di edat i su nòmber ta Luis Alberto.
E mama DM.Hazel, a deklará ku el a yama polis un par di biaha kaba pa e mes un mucha hòmber kaba i ku rechèrche tabata na altura di e kaso aki.
Polisnan a bisa e dama pa tuma kontakto ku rechèrche di JZP i pa kuida e yu durante ku e kaso ta den proseso.
Despues polisnan a bai Pos Chiquito 63-J, pa papia ku e mucha hòmber.
No a topa e mucha hòmber na kas.
Su mama a sali i a deklará ku e mucha hòmber lo nó ta biba eynan mas.
A pone e mama na altura di e kaso di su yu hòmber.
El a keda di papia ku e yu tokante di esaki.
A pone SCP na altura di e kaso.
============================
             
           
           PÈRSONA BURACHI.
SCP a dirigí patruya na Irian Bar & Restaurant pa un pèrsona burachi.
Na e sitio, e propietario a deklará, ku esaki ta e di 2 biaha ku e hòmber, deskonosí p’e aki, ta duna molèster den su lokalidat.
E hòmber a buta un saku ku kokaïna i tambe plaka riba e tónbank.
El a habri e saku pa bai uza kokaïna dilanti di e klientenan.
Pero nan a saké pafó di e Bar.
Mas aleu el a deklará ku e ta suponé ku dicho hòmber tabata un Kolombiano.
E tabatin un pèchi blanku i un TShirt blou bistí
E lo a kana na pia bai den direkshon di retònde Pos Chiquito.
Polisnan a kontrolá den bisendario i a topa un hòmber ku e mes un diskripshon ( pèchi blanku i TShirt blou), den Scobillostraat.
Na altura di kas 7, polisnan a papia ku e hòmber menshoná, kende a deklará ku su nòmber ta Hubert P, tokante e suseso den e Bar ariba menshoná.
El a ninga esaki .
El a deklará, ku ta nèt el a kaba di sali su kas, na Scobillostraat i ku e tabata sintá un ratu serka su bisiñanan.
Polisnan a pidiele pa no bai na e Bar mas.
Mas aleu no tabatin partikularidat.
SCP a wòrdu poné na altura di e kaso.
============================
               
               KIEBRO DEN KAS.
CP a dirigí patruya na Nijhofstraat, unda deskonosínan lo a kibra drenta un kas.
Na e sitio polisnan a papia ku e habitante di e kas, e hòmber H di 68 aña, kende a deklará ku alrededor di 01:45, ora ku e tabata na kas, el a skucha kon deskonosínan ta kibra drenta den su kas.
H no tabata sa kiko e por a spera, pues el a drenta su kamber i sera su mes, te ora ku deskonosínan a bandoná e kas.
Dor di miedu  H a sali for di su kamber te banda di 08:00.
Ora el a bai pa kontrolá su bibienda, el a nota ku deskonosínan a bai ku su telefòn móbil, un Samsung mini i su DVD player.
Denunsia a wòrdu tumá.
CP a wòrdu poné na altura di e kaso.
============================
              
               KIEBRO DEN KAS.
CVD a dirigí patruya na Weg Rooi Hundu pa un kiebro den kas i ku  e dama habitante B, lo tabatin e sospechoso tené.
Na e sitio, enbèrdat esey tabata e kaso.
Dor di esaki a detené e hòmber CA Lopez, alrededor di 13:05, pa kaso di kiebro den kas.
E kaso ta den investigashon.
============================
                 
                     LADRONISIA.
CP a dirigí Patruya Noord na High Rise Hotel, pa un kaso di ladronisia.
Na e sitio, polisnn a papia ku e dama M ( Supervisor Loss Prevention).
El a deklará ku alrededor di 15:00, pèrsonal di seguridat a nota un hòmber ku tabata hasi sospechoso
Ora e hòmber deskonosí a mira pèrsonal di seguridat, el a kore bai na e muraya i a bula ofer di esaki.
E pèrsonal di seguridat a mira un Ford Explorer pretu ku tabata warda e hòmber deskonosí aki.
E diskripshon di e hòmber ta: kolor di kurpa bruin, tabatin un karson kòrtiku di kaki bistí i tabatin un tas di karga riba lomba den su man.
E pèrsonal di seguridat a mira e promé 3 numbernan di e plachi di number di e outo, kual a kore bai den direkshon nort.
E shòfùr tambe tabata un pèrsona di kolor bruin.
Den area di e Hotel no tin kamara di seguridat.
E doño di e tas no ta konosí ainda.
E dama M, a keda di saka afó ken ta e doño di e tas òf si e doño por ta un huéspet di e Hotèl.
CVD i CP a wòrdu poné na altura di e kaso.
============================
       
          ASUNTU DI VOODOO
SCP a dirigí patruya na Brazil, na altura di Boushara Bar & Restaurant.
Yegando aya, un hòmber a aserká e outo di polis.
El a deklará ku ora e tabata riba kaminda pa su kas na Rooi Master, el a mira un paki pretu, konsistiendo di un saku di sushi di plèstik pretu, bon mará ku un kabuya blanku.
El a disidí di yama polis .
Polisnan a disidí na habri e paki pa mira e kontenido di esaki.
Polisnan a topa ku un baki di plèstik blanku ku un tapa bèrdè, konteniendo algu den direkshon di voodoo.
Polisnan a bai warda di polis ku e paki, pa por kontrol’é.
Na warda ,polisnan a habri e baki i a mira ku den dj’e tabatin un otro paki chikitu.
Ora ku a habri e paki chikitu, nan a haña un sorto di zeta ku 2 repi di manteka di e marka “Blue Ribbon” aden.
Polisnan a habri esey tambe i a konstatá ku e kontenido tabatin keber ku hasimentu di brua.
Mas aleu, polisnan a mira ku tabatin 2 blachi doblá ku algu skirbí ariba, kual polisnan no por a lesa.
Tabatin un papel maron tambe doblá. I ora a habri esaki a mira ku tabatin e nòmber  “Ch”, skirbí diferente biaha ariba.
WCDT a wòrdu poné na altura di e kaso.
============================
             
               KIEBRO DEN KAS.
SCP a dirigí patruya na un kas na Westpunt pa un kaso di kiebro.
Na e sitio polisnan a papia ku e denunsiante S.
El a deklará ku riba e dia ey, 12 di mart 2017,alrededor di 22:40, e tabata den su dormitorio, situá na parti suit di e bibienda.
El a deklará ku alrededor  di 22:45, el a mira dor di un glas transparente na e porta di e dormitorio, un pèrsona deskonosí p’e.
Tabata trata di un hòmber ku un haltura di 1.80 m, ku un pèchi riba su kabes.
E kolor di kurpa ni kolor di su paña e no por a mira dor di e glas di e porta.
El a deklará ku dor di miedu, el a sera e porta di kamber i poné na slòt.
Despues e sospechoso a kore bai.
El a deklará ku despues el a bai kontrolá su kas.
I el a topa  un slòf abou den sala, supuestamente di e sospechoso.
Mas aleu el a ripará ku e sospechoso a drenta via e kamber di e yu hòmber situá na e parti wèst di e kas.
Probablemente el a drenta dor di e bentana ku lo no tabata na slòt.
E sospechoso a buska i a bruha tur kaminda den e kamber i a bai ku 2 ” flatscreen” i un par di sapatu.
A tuma denunsia
BFTO lo wòrdu poné na altura di e kaso.
SCP a wòrdu poné na ultura di e kaso.
============================
                   PATRUYAHE.
Riba 12 mart 2017, entre 16:00 i 01:00, durante patruyahe riba baiskel, riba J.E. Irausquin (Hot Zone), a kontrolá e diferente lokalidatnan;
Area di Hotel, J.E.Irausquin Boulevard, lugarnan pa stashoná
(patras di Gusto), areanan di Hotèl i Moomba- kantu di laman( patras di hotèlnan), Night Clubs, (Gusto, South Beach, Sand Bar, 297 Moomba)
Partikularidatnan.
Alrededor di 00:00, un deskonosí a aserká polisnan, na altura di Moomba Beach i a deklará ku el a haña un moketa riba su nanishi.
E hòmber deskonosí no por a duna un splikashon klá, ken a dal’e ku  moketa, pa motibu ku e tabata fuertemente bou di influensha di alkohòl.
Polis no a mira niun herida òf sanger na kara.
Pa su propio seguridat i pa tene orden pùbliko, polisnan a rekomend’é pa bai lihé for di e sitio, pa evitá mas problema.
El a skucha na esaki i a bai for di e sitio.
Tur kaminda e anochi tabata trankil.
No tabatin mas partikularidat.
============================