KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Kas di Kultura ku Nochi di Sine Bin wak e Obra Mi Yu Ta Mihó Risibí

Kas di Kultura ku Nochi di Sine Bin wak e Obra Mi Yu Ta Mihó Risibí

Fundashon Kas di Kultura Kòrsou tur luna tin un Nochi di Sine òf un Charla ku ta kuadra ku e temporada ku nos ta aden. Nos ta bai drenta temporada di risibimentu i hopi mayor ke pa e selebrashon ta esun mihó. Tin ora sin para ketu na e nifikashon berdadero di Promé Santa Komunion.
Netamente pa e temporada aki Kas di Kultura ta trese e produkshon Mi Yu Ta Mihó Risibí bèk.
Un obra original di Anthony Jamanika. Den e produkshon lokal aki bo por mira den un forma humorístiko, kon e selebrashon por bai i kiko ta sosodé ora eksagerá.

Un obra ku lo pone bo hari te lora abou.
Ku aktuashon di entre otro: Dudi Pinedo, Lionel La Cruz, Jessica Damon, Finchi Statia,
Mientje Baromeo, Hiltje Eleonora i Glenn de Lima.
Djabièrnè 17 di mart pa 7or di anochi riba patio na Kas di Kultura Scharlooweg # 29 ( edifisio Pega ku The Ritz Hotel den Skalo)
Manera semper Entrada ta grátis.
Kas di Kultura ta invitá bo!!

639114718427035"
639114718427035"