KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Werkgeversochtend di Fundashon Kontakto

Fundashon Kontakto ku ta brinda kuido, formashon i treinen laboral na persona nan ku limitashon intelektual leve òf moderá; tabata tin un di tres enkuentro pa e empresanan kaminda ku e persona ku limitashon ta traha. Fundashon Kontakto ta sumamente orguyoso di kada empresa ku a habri nan porta nan pa asina nos kliente nan por haña e oportunidat pa drenta e kampo laboral.

Riba e dia di ayera Fundashon Kontakto a gradisí e empresanan pa nan pasenshi, animo, esfuerso i dedikashon ku kual nan ta guia e kliente nan di Fundashon Kontakto ku ta den servisio serka nan. Tur esaki ta sosodé konhuntamente ku Sra. Taizy Goeloe-Sluis ku ta e terapista laboral di Fundashon Kontakto. Sra. Goeloe-Sluis ta enkargá ku e parti di guia e kliente nan huntu ku e empresa den e trabou.

E mainta aki tabata informativo i interaktivo kaminda e representante di e empresanan por a interkambiá nan eksperensha i tambe nan a haña mas tep nan balioso tokante e guia di e kliente. Nan por a kompartí eksperensha nan ku otro i hasi diferente ehersisio ku ta duna nan mas bista den e kliente su funshonamentu.

Leave a Reply

This site uses Akismet to reduce spam. Learn how your comment data is processed.