Gobièrnu di Boneiru ta trahando riba un mihó futuro pa hóbennan di Boneiru. / OLB werkt aan betere toekomst voor Bonairiaanse kinderen

Gobièrnu di Boneiru ta trahando riba un mihó futuro pa hóbennan di Boneiru.

Kralendijk, Den e kuadro di e plan di aserkamentu di derechonan di mucha, a base di e rapòrt di UNICEF di muchanan di Reino, Entidat Públiko Boneiru, ta trahando ku partnernan riba diferente área pa asina por sigurá un mihó futuro pa e muchanan di Boneiru.

Entidat Públiko Boneiru i su partnernan a skohe pa enfoká i traha dirigí riba 4 punto, esta: Registrashon Sentral – un punto di registrashon inkluyendo maltrato di mucha i violensha doméstiko; Trabou Soshal General; Vishon Pedagógiko i Introdukshon di Skol Amplio. E meta di trabounan ta pa renforsá e red di asistensha profeshonal i amplia posibilidatnan pa muchanan di Boneiru.

Febrüari último, Entidat Públiko Boneiru ku sosten di su partnernan, a realisá e promé debate públiko enfoká riba derechonan di mucha pa asina por forma un base pa e Vishon Pedagógiko di Boneiru. Segun planifikashon, ta toka awor na turno un evento di e otro proyektonan ku ta forma parti di e programa i plan di aserkamentu di derechonan di mucha.

E proyektonan Registrashon Sentral, Trabou Soshal General i Introdukshon di Skol Amplio a skohe un forma di traha yamá ‘Wereld Cafe’ pa por trese tópikonan i ponensianan regardando e área di enfoke i e derechonan di mucha dilanti den seno di profeshonalnan. Durante di e dia usando e forma aki di trabou, e red di profeshonalnan por diskutí riba ponensianan i hasi uso di e konosementu i eksperensha kolektivo pa yega na solushonnan i sugerenshanan práktiko ku mehorashon di posibilidatnan pa muchanan di Boneiru den mente.
Resultado di e kontribushon kolektivo lo ta pa yega na akuerdonan pa implementá kambionan nesesario i organisá e trabou di tal forma ku e ta benefisiá e mucha, su mayornan i e komunidat Boneriano.

OLB werkt aan betere toekomst voor Bonairiaanse kinderen

Kralendijk, – In het kader van het benaderingsplan kinderrechten op grond van het UNICEF-rapport Koninkrijkskinderen, is het Openbaar Lichaam Bonaire samen met partners op verschillende gebieden aan het werk om de kinderen van Bonaire van een betere toekomst te kunnen verzekeren.

Het Openbaar Lichaam Bonaire en haar partners hebben ervoor gekozen om te focussen op en gericht te werken aan 4 punten, te weten: Centrale Registratie – één registratiepunt inclusief kindermishandeling en huiselijk geweld; Algemeen Maatschappelijk Werk; Pedagogische Visie en Introductie van de Brede School. Het doel van de werkzaamheden is om het netwerk van professionele bijstand te versterken en de mogelijkheden voor Bonairiaanse kinderen uit te breiden.

In februari heeft het Openbaar Lichaam Bonaire met steun van haar partners het eerste openbare debat georganiseerd met de focus op kinderrechten om zodoende een basis te creëren voor de Pedagogische Visie van Bonaire.

De projecten Centrale Registratie, Algemeen Maatschappelijk Werk en Introductie van de Brede School hebben gekozen voor een werkvorm genaamd ‘Wereld Café’ om onderwerpen en stellingen die te maken hebben met het focusgebied en de kinderrechten naar voren te kunnen brengen onder professionals. Gedurende de dag waarbij gebruik gemaakt wordt van deze werkvorm, kan het netwerk van professionals in discussie gaan over stellingen en gebruik maken van de collectieve kennis en ervaring om tot praktische oplossingen en suggesties te komen met verbetering van mogelijkheden voor Bonairiaanse kinderen voor ogen.
Het resultaat van de collectieve bijdrage zal zijn om tot akkoorden te komen om de noodzakelijke veranderingen door te voeren en het werk op zo’n manier te organiseren dat het ten gunste is van het kind, zijn ouders en de Bonairiaanse gemeenschap.