Minister Koeiman i sindikato ABVO ta firma protokòl pa formalisá proseso pa independisá Dienst Openbare Scholen

Minister Koeiman i sindikato ABVO ta firma protokòl pa formalisá proseso pa independisá Dienst Openbare Scholen

WILLEMSTAD – Djaluna mainta 20 di mart 2017 a tuma lugá un aktividat durante kua Minister pa Enseñansa, Siensia, Kultura i Deporte ESK&D), Hensley Koeiman a firma un protokòl ku direktiva di sindikato ABVO pa formalisá e proseso pa independisá Dienst Openbare Scholen (DOS). E enkuentro a habri ku palabranan di felisitashon di Minister Koeiman na e profeshonalnan empleá na pa e logro aki. Minister Koeiman a ekspresá alabes su apresio i gratitut pa e pasenshi ku e empleadonan públiko aki a desplegá i e forma den kua nan a hasi nan trabou. Na e enkuentro tabatin alabes presente miembronan di e tim di sosten di Minister Koeiman i otro empleadonan di servisio ESD&K ku a guia e trayekto pa yega na un protokòl pa independisashon di DOS.

Presidente di ABVO Wendy Calmes tambe a felisitá e empleadonan di DOS i a sigurá nan ku ABVO lo sigui monitòr e proseso i pone nan disposishon e ekspertisio ku ABVO a akapará tin atraves di aña ku independisashon di servisionan di gobièrnu. Sr Calmes, i sr. Gregory Wilson a firma e protokòl na nòmber di ABVO.

Nos leinan di enseñansa ta hasi posibel un distinshon entre enseñansa públiko i enseñansa partikular. Gobièrnu a skohe pa un órgano pa manehá e skolnan pa enseñansa públiko den forma di un Servisio di Gobièrnu, esta un órgano ku ta forma parti di e aparato gubernamental. Un órgano ku ta forma parti di e Ministerio ESK&D.
Aktualmente 33 skol, 754 trahadó i 9333 mucha ta kai bou di e sistema di enseñansa públiko.

Ku e protokòl ta kuminsá enkaminá e trayekto pa traha riba dos proseso: 1.) lanta un órgano di maneho pa skolnan públiko manera deskribí den lei 2.) modernisá i dinammisá e organisashon interno di DOS; esta transformá e organisashon aktual di DOS den un órgano moderno, dinámiko i profeshonal. E protokòl ta enserá alabes ku é trahadó ta bira partner den e proseso di sigui desaroyá enseñansa públiko.

This site uses Akismet to reduce spam. Learn how your comment data is processed.

error: Content is protected !!
%d bloggers like this: