Wap’é e prome festival kultural movibel – Kaminda Kultura ta di Fiesta

Wap’é e prome festival kultural movibel – Kaminda Kultura ta di Fiesta

Pa aña 2017, Fundashon Korsou tin Hoben Positivo a opta pa organisá un Jump-Up di Seú pa yuda genera fondo pa por sigui ku nnan projekto nan pa sigui stimula I propaganda positivism bou di hoben nan. Tambe ku e projekto aki Fundashon lo duna su aporta tambe na tur grupo di Seu ku ta partisipa na benta di karchi di Wap’é. Kaminda nan tambe por genera algun fundo pa yuda kubri gastu nan pa ku nan partisipashon den nos marcha di Seu 2017.
Wap’é lo bai ta e inovashon den temporada di Seu, ku ta tuma luga djadumingu 9 di aprel 2017, saliendo 3 or di merdia for di Sambil I k lo termina na altura di Plasa Brion. E ruta di e Jump Up aki lo bai ta: Sambil – Weg naar Westpunt – Kolebra Berde – Marchena – Weg naar Welgelegen – Scheidelaar – Roodeweg – Breedestraat (O) – Plenchi di Trafiko Lucinda Da Costa Gomez.
Preis pa partisipashon lo ta solamente fls. 35.00 pa persona, kual tur partisipante lo risibi un t-shirt di Wap’é. E idea e aña aki ta pa e partisipantenan hende muhe kombina nan t-shirt ku nan saya kultural i nan lensu di kabes i e hende hombernan lo por bini na Karson kortiku, somber I apargata.
Agrupashon Hoben na Timon I Hobennan Positivo I Aktivo lo tei pa forma e ambiente musical durante e parade aki. Tambe lo bai tin 2 “guest star” ku lo djoin e dos bandanan aki pa asina soru pa e Jump Up kultural aki bira algu uniko karga ku ambiente.

PressKarchinan lo ta optenibel serka: Gruponan di Seu ku ta partisipá. Na Kas di Kultura, Mensing Caminda, Kapsalon Vilmay, Friedies Barbershop of por jama libremente na:+5999 673-3798 of +5999 560-4237.
Pa mas informashon semper bai por like of bishita nan pagina riba Facebook kual ta : http://www.facebook.com/WapeCuracao/, via nan mail: korsoutinhobenpositivo@gmail.com of por tuma kontakto ku Eugene Valpoort na sel: +5999 673-3798 of Dianthe Barbolina na sel: +5999 560-4237.
Fundashon Korsou tin Hoben Positivo ta konta ku boso partisipashon na e prome Jump Up Kultura Wap’é – Kaminda Kultura Ta Di Fiesta.

This site uses Akismet to reduce spam. Learn how your comment data is processed.

error: Content is protected !!
%d bloggers like this: