Ministerio di Desaroyo Sosial, Labor i Bienestar a instalá un komishon pa trahadónan di Insel Air

Ministerio di Desaroyo Sosial, Labor i Bienestar a instalá un komishon pa trahadónan di Insel Air

Willemstad – Ministerio di Desaroyo Sosial, Labor i Bienestar (SOAW) ta hunga un rol importante ora ta konserní retiru masal di trahadónan. SOAW ta esun yamá pa informá e trahadó kiko ta su derechinan riba tereno di leinan di labor por lo general i e lei ku ta regardá retiru en partikular. Na momentu ku un doño di trabou anunsiá ku e tin intenshon di kita un gran kantidat di trahadó, SOAW ta konsiderá importante pa nan tende kiko ta nan derechinan na momentu ke e permit keda duná i pa esaki tuma lugá en todo kaso promé ku nan haña nan papel pa firma.
Ta pa e motibu aki SOAW a instalá un komishon interno pa atendé ku e trahadónan di Insel Air ku lo bai pèrdè nan trabou, kual komishon via di su kolaboradó konhuntamente ku sindikato UGTK/CADMU a aserká trahadónan di Insel Air pa un atardi informativo riba dia 20 maart 2017. Durante e atardi informativo aki trahadónan a haña e oportunidat tambe di hasi pregunta.
Ta importante pa indiká ku SOAW no ta pone regla pa kita trahadó. SOAW ta pará meimei di e doño di trabou i e empleado i ta sòru pa e proseso kana konforme lei i espesialmente pa e empleado haña tur loke e tin derechi riba dje.
Por ultimo lo siguiente:
1. SOAW tin intenshon di bini ku un tim di sosten pa asistí trahadónan ku pèrdè trabou; 2. SOAW kier a mustra ku e komunikado aki riba e posibilidat ku tin pa e trahadónan – ku ta deseá di haña mas informashon – pa subi website di Gobièrnu na http://www.gobiernu.cw i bou di “Tema” skohe Archivo di Direktorado pa Asuntunan Laboral.

This site uses Akismet to reduce spam. Learn how your comment data is processed.

error: Content is protected !!
%d bloggers like this: