Rèkòrt mundial nobo for di tereno di Isla? Emishon apsurdo ku ta kousa kanser

Rèkòrt mundial nobo for di tereno di Isla? Emishon apsurdo ku ta kousa kanser
22 maart 2017
Ta generalmente konosí ku pa desenionan largu kaba Isla ku gobièrnu di Kòrsou ta menospresiá hende ku ta biba bou di huma di Isla. Pero ya. E aña akí nos tabatin algun siman di trankilidat pasobra, pa kua motibu ku ta, nan lo a bai traha na mantenshon dje refineria. Aparentemente Isla ta start e asina yamá catcracker atrobe i nos ta ripará esaki. Riba social media, manera esun Stop Isla NOW (Facebook), ta publiká potrèt di puiru fini ku a bin drumi riba pertenensha di hende. Unda nos a mira esaki promé atrobe? SMOC a pidi atenshon pa esaki kaba, pasobra e puirunan akí por kontené metal pisá den forma di materia fini ku ta drenta bo kurpa ora ta hala rosea. E emishon ku ta kousa kanser akí por wòrdu midí parsialmente ku midishon TPS, manera por mira akibou den gráfika di promedionan anual (fuente: http://www.luchtmetingencuracao.org). Ta masha tristu ku nos ta bayendo, e siman akí mes, den direkshon di un rèkòrt nobo, mirando e promé midishonnan na Beth Chaim (mira akibou te den bòm). SMOC nunka no a eksperenshá un emishon asina haltu di TSP (masoménos 2100 µg/m3). No ta nada pa ta orguyoso di dje. Prinsipalmente e habitantenan di bario bou di huma ta paga ku e preis mas haltu: nan salubridat. SMOC no por biba ku esaki. Pero e mayoria di e polítikonan na Kòrsou no ta mira niun problema den esaki. Mashá tristu.

This site uses Akismet to reduce spam. Learn how your comment data is processed.

error: Content is protected !!
%d bloggers like this: