FCW-legal ku kaso den korte pa eksiguí George Lichtveld rektifiká insinuashon ofensivo

FCW-legal ku kaso den korte pa eksiguí George Lichtveld rektifiká insinuashon ofensivo

Willemstad Ayera Korte a trata e kaso ku e ofisina di abogado FCW-legal a entamá kontra George Lichtveld pa motibu di algun ekspreshon di karakter ofensivo ku Lichtveld a hasi kontra di e ofisina den dos korant na Hulandes.
Ta trata di algun ekspreshon en konekshon ku un rapòrt di 309 paginá ku dos kompania Belgikano ku ta ekspertonan den asuntunan di konstrukshon i transishon di hospital a traha riba e Hospital Nobo ku ta ser konstruí na Otrobanda. Kontrali na loke a ser trese dilanti, e bufèt di abogado a simplemente kordiná e trabounan i ta e Belgikanonan a hasi e investigashon.
FCW-legal a demanda den Korte pa George Lichtveld rektifiká esakinan.

E punto prinsipal den e asuntu aki ta ku Lichtveld ,un trahadó di SONA, no a gusta ku e rapòrt a konkluí ku SONA mester bai komo ku SONA a faya den su enkargo ku e la haña di Gobièrnu pa manehá i kontrolá e konstrukshon di hospital nobo. E fayo aki lo kosta komunidat alrededor di 80 mion mas ku e suma presupuestá di 420 mion pa konstruí nos hospital nobo. Pa motibu di e konklushon di e dos kompanianan eksperto Belgikano, e trahadó di SONA aki a konsiderá ku e mester hasi ekspreshonnan ofensivo kontra e bufete.

Lichtveld usa i desobediente na ordu di gobièrnu
Durante e kaso a ser trese dilanti ku miéntras ku Gobièrnu a ordená SONA pa no saka mas informashon den prensa pues un “mediastilte”, e trahadó di SONA Lichtveld a ser usa pa sigui bai prensa.
No ta promé biaha ku Lichtveld ta laga su mes keda usa pa trabounan shushi. Meskostabata e kaso den e asuntu di Post N.V. algun aña pasa, kaminda ku akondené na un kastigu di 6 luna prizòn kondishonal.
E asuntu di no sigui instrukshonnan di Gobièrnu tampoko ta algu nobo. MeskosGobièrnu a ordená SONA pa wanta ku e asuntu di stòp di traha ku Berenschot den e proyekto di hospital nobo i SONA no a sigui e òrdu. Pues un ambiente di anarkismo total. No ta probabel ku Gobièrnu lo akseptá e komportashon aki di SONA, sigur no si tin un montante adishonal di 80 mion ta kolega riba kabes di Kòrsou pa motibu di fayo di SONA.

Den korte a splika ku e motibu pakiko mester a bin un evaluashon dor di ekspertonan ta ku di un banda tin gastunan adishonal a ser presentá i tambe claim na un total di 80 mion segun SONA mes den su karta di 1 desèmber 2015. Di otro banda ya ta diferente fecha pa kaba ku e trabou a ser presentá. Promé tabata fin di 2016, despues, sèptèmber 2017 i awor mei 2018. E último fecha aki tampoko ta probabel. Kemen por spera ku e montante final lo ta riba 80 mion. A base di esaki mester konkluí ku ni maske kon Lichtveld lo ke defendé su doño di trabou no tin awa pa laba, SONA a faya i nan mester bai. Lichtveld den su defensa na fabor di SONA a ofendé e ofisina di FCW-legal i konsekuentemente e mester rektifiká.

FCW -legal parti di un komishon
E kompanianan konkretamente enbolbí den e evaluashon di e konstrukshon i transishon tabata:

• Konstrukshon: VK Architects & Engineers CVBA , Bruselas, Belgika;
• Transishon: Probis Consulting , Geel, Belgika;
• Maneho finansiero: Accountantskantoor PriceWaterhouseCoopers, Korsou/Aruba;
• Kordinashon general i asuntunan huridiko: Advocatenkantoor FCW-legal, Korsou.

Pues e deklarashonnan ku ta FCW-legal a hasi e evaluashon/investigashon no ta bèrdat. E asuntu di ripití ku ta FCW-legal, ta simplemente un strategia barata pa influensia opinion públiko, siendo ku esaki no ta bèrdat.
E proseso di konstrukshon i esun di transishon a ser evaluá, i esaki a tuma lugá dor di e Belganan.

Debidamente a “hoor i wederhoor”
Lichtveld den su artíkulo den korant a trese dilanti ku SONA no a ser tende (hoor/wederhoor). Esaki ta otro mentira.
Pa kuminsá, no ta SONA a ser evaluá, sino ta e proyekto den su totalidat a ser evaluá, pa loke ta e proseso di konstrukshon i esun di transishon i no SONA.
Asina mes a tende SONA 7 biaha, tantu e grupo kompletu komo miembronan di e grupo na nomber di e grupo, tambe a interkambia 13 mail ku SONA i a risibí 2000 dokumento direkto of indirekto di SONA. Kiko mas SONA por ke.
Ademas un proseso di tende (hoor/wederhoor) ta tuma lugá durante e proseso i no manera SONA i Lichtveld tabata kemen ku ora e ekspertonan kaba di studia tur dokumento, tende tur hende, hasi análisis i yega na konklushon, ku mester manda e raport (309 pagina, mas 100 página di bijlage) pa tur esnan enbolbí inkluso SONA. Pues pa SEHOS, Berenschot, Ballast, Spesialistanan Mediko, Inspectie, SVB, IFE, sindikato CBV, SONA, etc. Ta pakiko a buska eksperto anto.
Miéntras tur hende ta lesa tin 80 mion riba kabes di Kòrsou.

Tambe Lichtveld a insinuá ku FCW-legal a manipulá i a kambia e rapòrt. Esaki ta otro mentira ku a ser kita for di mes ku tantu kartanan di e Belgikanonan komo di Price Waterhouse Coopers (PWC).
FCW-legal a hasi simplemente un redakshon final pa loke ta gramátika.

Un ultimo punto ku a trese dilanti den korte ta ku FCW-legal ta gana sèn algu ku ta ta hustamente e motibu pa tin un empresa g. Dia a kuminsá ku e bufete, ya e partnernan huntu tabatin 76 aña di eksperensia komo hurista. Esaki a trese ku ne ku por a haña hopi enkargo mesora. Tantu gobièrnu komo kompanianan priva tabata i ta pidi servisio di e ofisina. Akaso Lichtveld ta kontra pa yunan di Kòrsou ku si ta traha hopi duru hinter siman i ku a base di esei i nan konosementu ta eksitoso komersialmente?

Hues lo dikta sentensia dia 5 di aprel 2017.

Na nomber di kliente: FCW Legal
mr Achim K.E. Henriquez

This site uses Akismet to reduce spam. Learn how your comment data is processed.

%d bloggers like this: