Santa Rosa a ricibi bishita di Deputado Sra. Rolanda Hellburg-Makaai y Ehecutivonan di TNO Caribbean y TNO Aruba.

Santa Rosa a ricibi bishita di Deputado Sra. Rolanda Hellburg-Makaai y Ehecutivonan di TNO Caribbean y TNO Aruba.

Oranjestad,– Durante e ultimo ana 7, Departamento di Agricultura, Cria y Pesca a sondea systemanan mas moderno, pa por acumula datos y asina motiva productornan den uso di systemanan mas moderniza den nan cunucu of hofi. Esaki a logra capta e interés di varios otro instancia, incluyendo TNO como tambe representantenan di islanan den regio.

Recientemente, Santa Rosa tabata tin e placer di ricibi bishita di Sra. Rolanda Hellburg-Makaai, Deputado pa e isla di Boneiro pa locual ta trata Sector Primario. Sra. Hellburg-Makaai a wordo acompaña pa un delegación di ehecutivonan di Gobierno como tambe representantenan di TNO Caribbean y TNO Aruba.

Durante nan bishita, Sra. Nathalie Maduro, Directora di Santa Rosa y Sr. Rene Donata, Jurista pa e Departamento a reuni cu e delegación y durante un combersacion ameno, a discuti e diferente posibilidadnan pa por establece un relacion mas estrecho di información cu DLVV Boneiro y DLVV Aruba. Tambe a papia referente e strategianan cu por traha pa ambos isla y con por sostene otro tambe cu por ehempel intercambio di producto y cria y información di projectonan pertenente na e Seccion di Pesca.

Pa loke ta trata e projectonan mas grandi, nan a hasi un recorido chikito den Santa Rosa, caminda nan por a mira con e trabounan ta bayendo na e insfractructura hydroponico y den e Seccion di Horticultura. Mester remarca cu e delegadonan a keda sumamente impresiona cu e diferente strategianan cu ta wordo ejecuta na Santa Rosa pa locual ta trata e parti di estudio y implementación di maneho como tambe e diferente equipo, material, calidad di cria etc cu Santa Rosa ta brinda na e productornan local di Aruba.

Ta spera cu den un tempo corto e respresentantenan di e LVV nan di tanto Boneiro, Korsow y Aruba lo por reuni pa wak con por crea un plataforma educativo cu lo por traha mas di serca cu otro.

“ Sostene nos cultura, practica Cria, Pesca y Agricultura”

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: