​Reakshon for di Hulanda riba petishon di minister Pisas

​Reakshon for di Hulanda riba petishon di minister Pisas

Minister President Gilmar Pisas di Partido MFK a kaba di asumí e funshon i a anunsiá djabièrnè anochi ku e ta bai Korte Oropeo pa para e elekshon di 28 di aprel proksimo. 

Ku e anunsio aki kabinete Pisas ta bai direktamente kontra di Gobernador i Gobiernu Hulandes. Gobernador Lucille George-Wout a bai di akuerdo pa un elekshon nobo despues ku kabinete Koeiman a kai. For di Hulanda, minister di Relashonnan den Reino, minister Plasterk, ta sostené e desishon aki.

Sinembargo, minister Pisas ta eksiguí pa para tur preparashon ku tin di haber ku elekshon. Primeramente e ke un desishon di Korte Oropeo. E petishon aki el a manda pa Gobernador George-Wout tambe. Djabièrnè anochi durante di nan selebrashon el a bisa di ta bai wak si gobernador ta firma bij het kruisje. 

Ofisialmente, e Gobiernu interino aki por atendé solamente asuntunan ku ta andando. Ku e eksigensia aki ta mustra ku e kabinete aki no ke sinta 3 siman so.