KOMUNIKADO DI KUERPO POLISIAL KÒRSOU Detenshon i arma di kandela konfiská

KOMUNIKADO DI KUERPO POLISIAL KÒRSOU
091 / 2017
24 mart 2017
Detenshon i arma di kandela konfiská
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Manera a keda anunsiá e siman aki ku polis ta intensifiká su kontrol pa kombatí kriminalidat en general i posishon di arma di kandela ilegal en partikular, tur dia tabatin kontrolnan dirigí na diferente sitio na Kòrsou. Den kuadro di esaki awe, djabièrnè 24 di mart 2017, alrededor di 19.30 or, polis a tene kontrol den un vehíkulo ku dos okupante aden na un establesimentu na altura di e krusada Winston Churchillweg/Cubaweg. Durante di kontrol den e outo polis a haña i konfiská un revòlver. En konekshon ku esaki polis a detené e dos hòmbernan:  B.D.M. di 26 aña di edat  L.J.E.R.F.O. di 33 aña di edat, ámbos nasé na Kòrsou, komo sospechoso pa violashon di Lei di Arma di Kandela. Tambe polis a konfiská e vehíkulo ku e sospechosonan tabata aden pa mas investigashon. A presentá e sospechosonan dilanti di un fiskal ouksiliar ku a ordená nan enkarselamentu pendiente di mas investigashon.

Athunto potrèt.