KOMUNIKADO DI KUERPO POLISIAL KÒRSOU Entrada hudisial ku detenshon i konfiskashon di arma di kandela
KOMUNIKADO DI KUERPO POLISIAL KÒRSOU
092 / 2017
Djasabra 25 mart 2017
Entrada hudisial ku detenshon i konfiskashon di arma di kandela
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Dia 18 yüni 2016 alrededor di 21.00’or anochi tabatin un ladronisia ku violensia na un kantor di number den e área di Otrobanda. Na e okashon aki dos(2) hòmber a drenta den e kantor di number i a menasá tur hende presente i bai ku e benta di dia. Durante di nan akto nan a lòs tiru den laira i bora e plafòn. Riba mesun dia alrededor di 22.05’or polis a detené un di e sospechosonan, e hòmber J.A.P. di 26 aña di edat na altura di Seru di Domi den e outo ku nan a uza pa hui. Kontinuando ku e investigashon den e kaso aki, awe djasabra 25 mart 2017 alrededor di 12.20’or, personal di e Tim di Atrako huntu ku e Tim di Aresto di polis a tene un entrada Hudisial den un kas den área di Kanga. E entrada Hudisial tabata en konekshon ku búskeda di e di dos sospechoso di e ladronisia ku violensia di dia 18 yüni 2016. Durante di investigashon den e kas ariba menshoná polis a detené e hòmber G.G.C. nasé na Kòrsou, 29 aña di edat. Durante di e kòntròl den e kas a haña i konfiská un pistol. A presentá e sospechoso dilanti di un fiskal ouksiliar ku a ordená su enkarselamentu pa mas investigashon. E investigashon den e kaso aki ta kontinuá.