Korps Politie Aruba 24 mart 2017

INTENTO ROBO DI OUTO.
SCP a dirigí patruya na Otaheitistraat, unda habitantenan a gara un pèrsona den nan outo.
Probablemente e pèrsona tabata purba na bai ku e outo.
Na e sitio, e hòmber N, a deklará , ku un pèrsona deskonosí a purba na bai ku e outo di su tata, di nòmber N.
Nèt e tabata pa bai hiba su amiga kas i a topa ku e deskonosí aki den e outo, un Merces Benz, kolor blanku.
Tabata un pèrsona di kolor klá, postura delegá i kabey kòrtiku.
Jeans i sapatu pretu.
El a baha lihé for di e outo i a kore bai den direkshon óst. Un otro patruya a kontrolá den bisendario, pero no a topa ku e pèrsona aki.
Denunsia a wòrdu tumá.
CP i BFTO a keda poné na altura.
============================
    VIOLASHON ORARIO DI SERA.
Alrededor di 3:20, durante patruyahe,polisnan  mira ku tabatin diferente outo stashoná dilanti i den bisendrio di Lekker Bar & Restaurant.
Polis a nota ku e lokalidat ariba menshoná, ainda tabata habrí i ku mas o menos un 35 pèrsona tabata konsumiendo bebida alkohóliko.
En konekshon ku violashon di e orario di sera, a traha un prosèsferbál.
SCP a wòrdu pone na altura di e kaso.
============================
      SITUASHON SOSPECHOSO
SCP a dirigí patruya na Bakval pa un situashon sospechoso.
Na e sitio,e dama M, a deklará ku alrededor di 14:00, ora ku su esposo tabata den sala, el a mira un “drone” den nan kurá.
E hòmber a deklará ku e tabata den sala i ku diripiente el a mira un “drone” den nan kurá.
E “drone” tabata blanku i na e parti abou e tabata kòrá.
E kamará di e “drone” tabata mustra den direkshon di e sala.
Ora ku e hòmber a kana bai den direkshon di e “drone”, esaki a bula bai.
E hòmber no por bisa eksáktamente  den kuá direkshon.
SCP  a wòrdu poné na altura di e kaso.
============================
SITUASHON SOSPECHOSO RIBA LAMAN.
SCP a dirigí patruya na Sero Colorado pa un avion chikí ku probablemente a kai den laman.
Na yegada na altura di Sero Colorado,e unidat a mira for di aleu algun lus riba awa.
Kontrolando mas di aserka, a resultá di ta algún hòmber riba un baranka.
Mas kontròl a duna komo resultado  ku ta tabata trata di 2 ílegal ku tabata kedando riba e isla, ámbos di nashonalidat Venezolano.
E di 3, tabata un Colombiano.
E hòmbernan a deklará di ta piskando.
Según kontròl a sali na klá, ku nan lo nó tabata piskando, pero ku probablemente nan lo tabata sakando artíkulonan ilegal for di den awa.
Mirando ku tabata sukú, a sigurá e area pa té den oranan di mainta, pa mas investigashon.
E 3 hòmbernan a wòrdu detené na e sitio.
E outo den kuá nan tabata kore, a wòrdu konfiská pa mas investigashon.
============================