KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Atletanan a risibí 20,000 florin: Digicel Kòrsou a hasi donashon anual na fundashon Special Olympics Curaçao

Atletanan a risibí 20,000 florin: Digicel Kòrsou a hasi donashon anual na fundashon Special Olympics Curaçao

WILLEMSTAD: Resientemente Digicel a renobá su kompromiso ku Special Olympics Curaçao. Esaki ta un kompromiso ku Digicel tin den tur merkado. E patrosinio ta mas ku un sosten finansiero. Digicel Kòrsou ta masha kontentu di por kontribuí un biaha mas ku atletanan di Special Olympics. E aña aki ta pendiente pa e Special Olympics Summer Games dianan 10 i 11 di yüni na Southern California.

Digicel Kòrsou su patrosinio na e organisashon ta bai kompañá ku un laso di koperashon ku ta keda sostené den transkurso di henter aña; asina por menshoná ku e muchanan di Special Olympics ta risibí aporte spesial pa partisipá na entre otro kampeonatonan internashonal, aktividatnan di formashon personal i sosial, pero tambe por konta ku un sosten inkondishonal di maneho di e kompania. Ta konosí ku fundador di Digicel Group, sr. Dennis O’Brien ta fiel sostenedó di e organisashon di Special Olympics mundialmente i Kòrsou no ta un eksepshon.

Digicel Kòrsou ta deseá e atletanan spesial hopi kurashi i eksitoso durante di nan entrenamentu pa nan partisipashon na Southern California. Riba foto athuntu por tuma nota di entrega di e cheque ku a tuma lugá resientemente na Digicel Biesheuvel. Un montante di Fl.20,000 a wòrdu entregá dor di Sr. Sharvelo Felomina di departamentu di Marketing di Digicel Kòrsou na representantenan di Special Olympics Curaçao. Keda pendiente pa e fundraising di Special Olympics ku lo tuma lugá dia 27 Aprel próksimo durante e Koningsmarkt den Punda.
***************************

Digicel Curaçao donates 20,000 florins to the Special Olympics Curaçao Foundation

WILLEMSTAD: Digicel recently renewed their commitment with the Special Olympics Curaçao. This happens on all Digicel markets. The sponsorship is more than just a financial support. Digicel Curacao’s sponsorship goes along with a cooperation that supports the athletes during the entire year. Just to mention a few, the athletes receive special support to attend international championships, personal and social development activities as well as unconditional support from the company. It is known that founder of Digicel, Mr. Dennis O’Brien is a prominent supporter of the World Special Olympics Organization and Curaçao is not an exception.

Digicel Curacao is more than happy to be contributing to the athletes of Special Olympics. This year the Special Olympics Summer Games are scheduled to be held on June 10 and 11 in South California. On picture Digicel, represented by Mr. Sharvelo Felomina, handed out the 20,000 florins cheque to the representatives of Special Olympics Curacao.

639114718427035"
639114718427035"