AVA AIR NO A GANA NINGUN KASO TOKANTE DUNAMENTU DI PERMIT TA BISA ESAKI PA SIGUI PURBA DAÑA NÒMBER DI SUZY RÖMER

AVA AIR NO A GANA NINGUN KASO TOKANTE DUNAMENTU DI PERMIT TA BISA ESAKI PA SIGUI PURBA DAÑA NÒMBER DI SUZY RÖMER

Willemstad – Kontrali na lokual AVA Air ta pretendé den medionan di komunikashon, AVA Air no a gana niun kaso tokante dunamentu di pèrmit di aviashon. Tur hende por tuma nota pa nan mes di e desishon di Korte di Hustisia di 13 di mart 2017. Korte di Hustisia a stipulá ku Gobernador i Minister di VVRP mester tuma desishon pa 30 di aprel 2017 riba e kartanan di opheshon di AVA air.

Pa Gobernador i Minister por tuma desishon, mester a nombra un komishon independiente pa konsehá e mandatarionan. Ta bon pa splika ku e tardansa pa por yega na desishon ta debí na e echo ku a resultá hopi difísil pa a haña profeshonal pa sinta den e komishon. Esaki debí na e echo ku nan no ker haña nan mes den un diskushon públiko den kua nan nòmber ta keda inhustamente tachá.

Nos ta kontentu di por pasa e kaso di AVA Air pa nos susesor(nan) i ta spera ku asina ei lo bira bon kla ku di nos parti no tin nada personal pa ku AVA air. Nos ta lamentá ku ta usa pèrdida di trabou i sufrimentu di trahadónan di InselAir pa bolbe purba daña nòmber di Suzy Camelia-Römer atrobe.
Partido Inovashon Nashonal | PIN

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: