KOMUNIKADO DI KUERPO POLISIAL KÒRSOU Hòmber heridá ta yega Poli

KOMUNIKADO DI KUERPO POLISIAL KÒRSOU
081 / 2017
16 mart 2017
Hòmber heridá ta yega Poli
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 16 di mart 2017, alrededor di 13.05’or sentral a dirigí un patruya na Poliklínika di SEHOS kaminda un hòmber a yega ku herida di bala. E patruya ku a yega Poli a topa ku un hòmber ku un herida di bala na su brasa. E víktima di 18 aña di edat a deklará na polis ku e tabata sinta bou di un palu riba Ser’i Papaya huntu ku dos amigu. Na dado momentu nan a mira un outo pretu ta aserkando ku velosidat haltu i a tende dos tiru. Despues di esaki e víktima a grita bisa ku un bala a alkanse na altura di su brasa. Despues di tratamentu e víktima por a regresá kas. Polis ta investigando e kaso aki.

This site uses Akismet to reduce spam. Learn how your comment data is processed.

error: Content is protected !!
%d bloggers like this: