KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

NO TIN MENASA DI KONFLIKTO ENTRE KÒRSOU I HULANDA

NO TIN MENASA DI KONFLIKTO ENTRE KÒRSOU I HULANDA

Willemstad – Gobièrnu di Kòrsou ta desmentí ku tin menasa di konflikto entre Hulanda òf ku nan tin nesesidat di konfrontashon ku teritorio Oropeo. Notisia ku ta sugirí otro ta tendensioso i kisas a diseñá nan despues di e nesesidat pa pone e gabinete nobo instalá djabièrnè den lus negativo. E echo ku gabinete konforme e deseo di parlamento a disidí pa posponé elekshon 29 aprel proksimá no tin nada di haber ku e relashon ku Hulanda. Manera minister Plasterk di Hulanda a skirbi Tweede Kamer 13 febrüari 2017, e elekshon ta asuntu interno i ta den interes di Kòrsou pa ‘ tin un gobièrnu stabil atrobe”. E gobièrnu stabil aki a ser instalá djabièrnè último i no tin ningun motibu pa kere ku lo tin un konfrontashon ku Hulanda.

Ta konosí ku un mayoria di e miembronan di Staten a entamá un kaso na Korte Oropeo pa Derecho Humano na Straatsburg. E number di e kaso ta Nr. 23105/17. A pidi Korte Oropeo pa duna un veredikto si e desishon di disolvé Staten ku nos a skohe 5 òktober 2016 entrante 11 mei 2017 ta den kuadro ku e obligashon pa tene elekshon den un periodo intermedio rasonabel. Artíkulo 34, di dos frase di Tratado Oropeo tokante di Derechi Humano (EVRM) ta lesa ku si a entamá un kaso Reino Hulandes tin e obligashon pa no stroba e ehekushon di e derechi individual di hasi keho, den ningun manera. Pa motibu ku lo surgi un situashon ireparabel, en partikular ku e petishon na Korte lo ta sin sentido si Pais laga elekshon sigui, Pais tin e obligashon pa tuma e medida nesesario pa prevení esei. Posponementu di elekshon den kuadro di e kaso na Korte no tin nada di haber ku konfrontashon ku Hulanda, pero ta un desishon konforme artíkulo 34, segundo frase di EVRM. Pues e gabinete tin e intenshon pa supliká ministerio di Asuntu Eksterior pa informá Korte ku e gabinete a posponé elekshon pa kumpli ku e artíkulo menshoná. Esaki ta e motibu dikon e gabinete nobo tin e konfiansa ku Gobernador lo no tin problema pa stipulá e landsbesluit konserní.

639114718427035"
639114718427035"