KUERPO POLISIAL ARUBA RAPORT POLISIAL DI 29 MAARTH 2017

POLIS TA BISHITÁ UN BARIO.
Riba 29 di mart 2017, alrededor di 09:05, a presentá na warda di polis Shaba, e homber W, ku e petishon pa por hasi’é un bishita na Bubali.
E tabata deseá di papia un ke otro ku e polis di bario.
Riba 29 di mart 2017, entre 10:00 i 11:20, polis a bishita e hòmber W, bibá na Bubali, kende a deklará ku e bario ta empobresiendo, dor ku pushi i kachó, tabata pone nan outo ku no ta sirbi mas riba kaminda publiko.
W a mustra polis un 3 outo ku tabatá pará kantu di kaminda sin un plachi di number.
Despues di un investigashon a haña doño di 2 di e outonan, kende pronto lo kita e vihikulonan.
============================
MOLÈSTER DI CHÒLER.
CP a dirigí patruya na pòmpstashòn Tanki Leendert pa un chòler ku lo tabata molestiando.
Turistanan tabata wòrdu molestiá na e pòmpstashòn ariba menshoná.
Na yegada na e sitio, ya e turistanan i tambe e chòler no tabatei mas.
Polis a papia ku un kolaboradó, un dama di e pòmpstashòn, kende a deklará na polis ku e konosido “J” tabata e responsabel.
E tabata mendigá serka algun turista di edat.
E turistanan no tabata sinti nan mes kómodo dor di e komportashon di “J”.
Polisnan no a topa ku “J” den bisendario.
E kaso ta den mas investigashon.
============================
KIEBRO DEN OUTO.
SCP a dirigí patruya na Misa San Fransisco pa un kaso di kiebro.
Na e sitio, polisnan a papia ku e hòmber R.
E lo a stashoná su outo di e marka Nissan,modèl Sentra, riba e lugá pa stashoná na altura di Misa San Fransisco, situá na Koningstraat.
E outo tabatin un bentana destruí na e banda robes, parti patras.
Deskonosínan a bai ku un flèshlait, un radio i un “kirk”.
Riba e stúl patras tabatin glas.
A tuma denunsia.
SCP a wòrdu poné na altura di e kaso.
============================