KOMUNIKADO DI KUERPO POLISIAL Aksidente di tráfiko ku herido

KOMUNIKADO DI KUERPO POLISIAL
098 / 2017
31 mart 2017
Aksidente di tráfiko ku herido
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 31 di mart 2017 alrededor di 01.15 or, Sentral di Polis a dirigí un patruya na e krusada Gosieweg/Commandeursweg pa un aksidente di tráfiko ku a tuma lugá. Na yegada di e patruya na e sitio nan a topa ku un hòmber ku kap na kabes i for di su konosementu, drumi riba alsera. For di un investigashon preliminar ku polis a hasi na e sitio, a sali na kla ku un outo tabata koriendo riba Gosieweg direkshon Rio Canario. Di ripiente e la nota ku un baiskel ku motor a subi kaminda for di Commandeursweg. Shofùr di e outo a kuminsá pita pa hala atenshon di e shofùr di e baiskel ku motor pero esaki a sigui kore ku e konsekuensia ku e outo a alkansá e baiskel. Ambulans ku a presentá na e sitio a transportá shofùr di e baiskel ku motor kual su situashon ta di preokupashon, pa poliklínika di SEHOS pa tratamentu médiko. Despues di tratamentu e hòmber víktima di 40 aña di edat a keda interná den kuido intensivo. Departamento di tráfiko ta kontinuá ku e investigashon.

This site uses Akismet to reduce spam. Learn how your comment data is processed.

%d bloggers like this: