KOMUNIKADO DI KUERPO POLISIAL KÒRSOU Aksidente di tráfiko ku morto (potret)

KOMUNIKADO DI KUERPO POLISIAL KÒRSOU
102 / 2017
3 aprel 2017
Aksidente di tráfiko ku morto
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 3 di aprel 2017 alrededor di 09.40 or, Sentral di Polis a dirigí un patruya pa Winston Churchillweg pa un aksidente ku a tuma lugá entre un motersaikel i un trùk grandi. For di un investigashon preliminar ku polis a hasi na e sitio, a sali na kla ku un hòmber riba motersaikel tabata koriendo riba Winston Churchillweg direkshon F.D. Rooseveltweg. Di ripiente un trùk grandi ku tabata koriendo riba Garipitoweg a subi Winston Churchillweg pa lora bai direkshon di Rio Canario. Nèt na e momentu ei e motersaikel tabata aserkando i a bai dal den banda di e trùk. Ambulans a transportá e motosiklista den situashon di prekupashon pa poliklínika di SEHOS. Na yegada e víktima Mohan Ram Persaud Gangaram nasé na Guyana di 48 aña di edat, a fayesé a konsekuensia di e múltiple leshon ku e la sufri durante di e aksidente. Departamentu di Tráfiko ta kontinuá ku e investigashon.