KOMUNIKADO DI KUERPO POLISIAL KÒRSOU Ladronisia ku detenshon

KOMUNIKADO DI KUERPO POLISIAL KÒRSOU
103 / 2017
4 aprel 2017
Ladronisia ku detenshon
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 4 di aprel 2017 alrededor di 04.15 or, Sentral di Polis a dirigí un patruya pa Kaya Kazerne, kaminda un hòmber ta purba pa los kòndènser di un èrko for di un ofisina. Na yegada di e patruya na e sitio, nan a mira un hòmber ku ta kuadra ku deskripshon di e hòmber ku un ratu promé tabata lòs e kòndènser di èrko for di e ofisina. Polis a haña e hòmber ku dos artefakto di èrko den su poder i tambe yabi di un outo ku tabata stashoná na un distansia. Durante un kontrol den serkania di e ofisina polis a haña i konfiská dos artefakto mas di èrko i tambe un tas ku diferente hèrmènt aden. A detené e hòmber E.A.M. nasé na Kòrsou di 34 aña di edat, komo sospechoso di e ladronisia ariba menshoná. A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.