MINISTERIO PUBLIKO TA INFROMA: Sentensia awe pa morto den tráfiko

Info OM:
Sentensia awe pa morto den tráfiko
Korte a sentensiá djarason e hòmber D.A.G. (1989) na un kastigu di prison di 12 luna di kual 3 una kondishonal, 2 aña ku e no mag kore un vehíkulo, di kual 1 aña kondishonal,  i 2 aña di proeftijd. Esaki relashoná ku un aksidente di tráfiko dia 29 di desèmber 2015 riba Kaminda Hensley “Bam Bam” Meulens i na unda su amigu, okupante di su outo, Shaionel Martina, a bin pèrdè su bida.
E investigashon di polis a bin determiná ku e shofùr di e outo a bebe demasiado. E sospechoso tabata tin 3 biaha e límite di alkohòl den su sanger.
Un petishon pa daño perhuisio a keda parsialmente otorgá. A yega na e veredikto aki, spesialmente paso e sospechoso a mustra duele, a pidi despensa i asta a tuma despedida dia di entiero di su amigu. Esaki pa Fiskal i Wes a konta hopi den e husgamentu.​