KOMUNIKADO DI KUERPO POLISIAL KÒRSOU Tiramentu ku herido na Kaya Plateau.

KOMUNIKADO DI KUERPO POLISIAL KÒRSOU
123 / 2017
14 aprel 2017
Tiramentu ku herido na Kaya Plateau.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 14 di aprel 2017 alrededor di 21.41 ‘or, sentral a dirigí un patruya na Kaya Plateau (Kustbatterij) pa un kaso di tiramentu ku herido. Aparentemente un hòmber ku un kapuchon bistí a tira un otro hòmber. For di un investigashon preliminar ku polis a realisá na e sitio nan a bin komprondé di e víktima ku e tabata pará dilanti di un kas den Kaya Plateau huntu ku un otro hòmber. Na dado momentu e hòmber ku e kapuchon a kana bini riba dje i saka un arma di kandela i lòs algun tiru dirigí riba dje. Despues di su akto e sospechoso ku kapuchon a kana bai for di e sitio. E víktima un hòmber di 27 aña di edat a risibí algun tiru na e parti abou di su kurpa. Ambulans a transportá e víktima pa poliklínika di hospital pa tratamentu médiko. Polis a haña i konfiská algun “ huls” na e sitio. Motibu di e tiroteo aki ta den investigashon. Investigashon den e kaso aki ta kontinuá.

This site uses Akismet to reduce spam. Learn how your comment data is processed.

error: Content is protected !!
%d bloggers like this: