KOMUNIKADO DI KUERPO POLISIAL KÒRSOU Tiramentu ku herido.
KOMUNIKADO DI KUERPO POLISIAL KÒRSOU
122 / 2017
14 aprel 2017
Tiramentu ku herido.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djabièrnè 14 di aprel 2017 alrededor di 18.54 ‘or, sentral a dirigí un patruya na Kaya Mabi (Montaña Abou) pa un kaso di tiramentu. Aparentemente un outo a pasa i lòs bala riba un hòmber i herid’é. For di un investigashon preliminar ku polis a realisá na e sitio nan a bin komprondé ku un hòmber (víktima) tabata sinta pafó di kurá di un kas i na dado momentu un outo a pasa i e shofùr(sospechoso) lo mester a tira palabra pa e víktima. Despues e outo a bai lora bin bèk kaminda e víktima tabata sintá. Na e momento ei e shofùr a baha for di e outo i lòs un tiru dirigí riba e víktima ku a alkans’é na su brasa drechi. E víktima un hòmber di 24 aña di edat a keda transportá ku ambulans pa poliklínika di hospital. Investigashon den e kaso aki ta kontinuá.