KOMUNIKADO DI KUERPO POLISIAL KÒRSOU Habitante ta kima den kas .
KOMUNIKADO DI KUERPO POLISIAL KÒRSOU
121 / 2017
14 aprel 2017
Habitante ta kima den kas .
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djabièrnè 14 di aprel 2017, alrededor di 03.24 or Sentral di Polis a dirigí un unidat polisial na Roermondstraat pa un kas ku ta na kandela i ku probablemente e habitante lo ta den e kas. Na yegada di e unidat polisial, nan a konstatá ku ta trata di un kas di palu ku tabata kompletamente na kandela. Unidatnan di bombero ku a yega na e sitio a kuminsá ku pagamentu di e kandela i no por a evitá ku e kas a kima por kompletu. Durante pagamentu di e kandela e personal di bombero a topa ku un kurpa sin bida parsialmente karbonisá. Dòkter di polis ku a yega na e sitio a konstatá morto. Riba òrdu di Fiskal di Ministerio Públiko a konfiská e kurpa pa mas investigashon. Te na momentu aki no a identifiká e persona ku a haña den e kas ofisialmente Kousa di e kandela no ta den investigashon.
