Polis ta buska tripulante di barku krusero. 


KRALENDIJK BONAIRE

Polis ta buska tripulante di barku krusero. Ayera den oranan di mèrdia un miembro di e tripulashon  di e barku krusero Navigator  of the Seas  ku a bishitá Boneiru ayera, a baha for di e barku i no a regresá  na momentu ku e barku aki a bandoná  nos isla.  Ta trata di un dama hoben ku ayera ora ku ela baha for di  barku e tabatin bistí:  un blusa  manga aden koló pretu, un short di jeans i sapatu koló pretu. E tin kabei pretu largu i postura delegá. E nòmber di e dama  ta Adriana Morales de Florencio, nasé na Mexico  riba 4 di yuni 1993. 

Si kualke persona por a mira e persona aki ayera of awe porfabor tuma  kontakto urgente ku polis. 
Athunto foto di e dama na momentu ku ela baha for di e barku krusero ayera I e otro foto ta unu di su kara.

Advertisements