PNP kier introdusi modelo innovativo pa finansia konstrukson pa kas pa pueblo.

PNP kier introdusi modelo innovativo pa finansia konstrukson pa kas pa pueblo.

Willemstad – Mirando e entradanan ku gobièrnu ta generá i e kantidat di proyektonan ku tin pa ehekutá pa asina nos pueblo por benefisiá pero tambe bai dilanti, mester bisa ku enrealidat gobièrnu no tin sufisiente fondo pa ehekutá tur e proyektonan aki. P’esei mes gobièrnu mester priorisá loke ta mas agudo i mas importante pa e komunidat den su totalidat. Esaki ta nifiká ku lo tin un monton di proyekto ku lo keda sin wòrdu hasi pa e temporada òf e aña konserní.
Un proyekto ku ta kosta gobièrnu tur aña hopi sèn i ku ta un prioridat ta e trahamentu di kas pagabel pa nos pueblo. Esaki nos di PNP ta pensa ku ta un proyekto ku por bira unu kaminda gobièrnu por haña yudansa di sektor priva, institushonnan finansiero i tambe NGO’s. E trayekto aki ta un trayekto ku PNP a presenta for di anja 2012 i a inisia for di anja 2013 bini ariba.
PNP ta pensa den e sigiente modelo:
1. Gobièrnu lo mester fungi komo e fasilitado den e esaki kaminda gobièrnu lo mester sòru pa e tereno i infrastruktura. Servisionan kuta resorta bou di Ministerionan di VVRP i SOAW huntu ku FKP ta traha un projektdossier den kual tin tur e exigensianan na kual e kas di pueblo mester kumpli kune i tambe e hür ku lo wordu paga pa kada kas.
2. Kompanianan den sektor priva lokal of internashonal ta hanja oportunidad pa basa riba e projektdossier traha un plan di konstrukshon basa riba e exigensianan di Gobiernu i FKP.
3. E kompania den sector priva lokal of internashonal ta konstrui e kas denter di e exigensia di konstrukshon bou di supervishon di Gobiernu i FKP.
4. Denter di sierto palabrashonnan pa un periodo defini e kas ta keda serka e invershonita komo kolateral.
5. Denter di un konbenio entre Gobiernu i FKP ta regla pa FKP maneha i mantene e kasnan.
6. FKP ta keda enkarga ku kobransa di hür kual lo sirbi tambe komo pago di aflossing ne inveshonista.
7. Gobiernu ta duna sierto incentivonan fiskal manera tax holiday etc pa tene e konstrukshon di kas mas ekonomiko posibel i hasi e projekto atraktivo pa invershonista.
8. FKP konforme maneho di otorgamentu di kas, aproba dor di Gobiernu, lo verhuur e kasnan ku personanan riba lista di espera di FKP.
9. Gobierno lo institui un Huursubsidiebeleid pa eventual subsidio pa hurdonan den sierto kategorianan di entrada.
10. Dentro di periodo akorda ku e invershonista ta traspasa e kasnan pa FKP of e kliente.
Lo mester dilenia tambe un reglamentu di kuantu un kas pagabel mester kosta. Esaki mester ta un suma fiho pa luna ku Gobièrnu ta fiha, teniendo kuenta ku salarionan, i ku no por kambia sin wòrdu evaluá profundamente. Esaki ta importante paso basa riba esakinan e invershonista lo por kalkulá pa su mes ku e entrada ku e haña di e kas ku e traha e por paga su debe kuné. Di e manera aki profeshonalnan por kalkulá kuantu sèn por hinka den kasnan pa asina nos no kometé e fayo di traha kas di modèl kostoso i al final e ta bira impagabel pa e siudadano. Naturalmente gobièrnu (FKP) komo e fasilitado ta esun tambe ku ta kontrolá i inspekshona e kasnan pa wak ku nan ta kumpli ku tur e rekisitonan i normanan ku a stipulá di adelantá ku e partnernan.
Un investigashon a mustra kaba ku tin invershonista ku ke invertí den nos pais i den proyektonan ku ta duradero basta e kondishonnan i e reglamento/reglanan ta na lugá . E sistema aki ya a keda huza di un manera hopi fruktífero den Europa vooral Inglatera, Australia i na e kontinente merikano.
E modelo aki ta yuda gobièrnu konsentrá mas riba traha kuadronan i maneho riba kon i kiko e kasnan aki mester kumpli kuné pa nan ta moderno, sosial i pagabel pa e pueblo.
Esaki ta un aporte mas den kuadro di inovashon di PNP pa deal ku e problemátika di falta di fondo di un banda anto falta di kas pagabel e otro banda i krea kuponan di trabou, paso ABO ta na promé lugá.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: