Ahinda Polis di Boneiru  enbuska di tripulante di barku krusero

Ahinda Polis di Boneiru  enbuska di tripulante di barku krusero
Entretantu mas ku 48 ora a pasa ku e dama di nashonalidat Meksikano  a baha for di e barku krusero Navigator of the Seas i  ku no sa unda e ta.  Informashon ku polis ta disponé  di dje ta ku djaweps último despues ku e dama a baha for di e barku e tabata na pia den area di Kralendijk. Manera ya KPCN a informá den un boletin  anterior na momentu ku ela baha for di e barku krusero e tabatin bistí:  un blusa  manga aden koló pretu, un short di jeans i sapatu koló pretu. E tin kabei pretu largu i postura delegá. E nòmber di e dama  ta Adriana Morales de Florencio, nasé na Mexico  riba 4 di yuni 1993. 
Un yamada urgente ta bai na kualke persona ku sa algu di e  dama aki òf ku por a mir’é pa porfabor tuma kontakto ku polis na number di telefon 717-8000/ 715-8000 of na e number di tèp  anónimo di  polis ku ta 717-7251. 

Athunto foto di e dama na momentu ku ela baha for di e barku krusero ayera I e otro foto ta unu di su kara.