Mester ta kouteloso ku interesnan ku ta surgí repentinamente, no por tin un Promé Minister sinta den forti ku ta bende nos na baka flaku ku Hulanda i dunanan 95 sèn den e dil i Kòrsou mes ku ta doño kos ta keda ku sobra 5 sèn

Mester ta kouteloso ku interesnan repentino den Refineria di politikonan Hulandes siendo ku na añanan 80 a kuida juist pa Shell bai sakando menos plaka posibel. Promé ministernan ku ta sinta den Forti anto ku ta kontesta e polítikonan Hulandes pa nan drenta Kòrsou pa asina awor ta nan ta negosha propiedatnan di Pueblo di Kòrsou ta un akto anti-demokkratiko. Pueblo ta skohe nos awor ta laga otro drenta pa e bin sirbí otro interes.

Mirando ku tin yen partido ku ayera tabata den forti ta as riba dilnan den Refineria i rondo di esaki Peublo mester ta alerta, Ministernan ku ta skonde enkuentro ku kompanianan Polako i ku nan a trata di sera dil kuchi kuchi ta akshonnan ku pueblo no mag permití pa tuma luga.

Ku e karta anekso boso por tuma nota ku awor repentinamente politikonan Hulandes awor ta loer pa negoshinan ku tin rondo di propiedatnan di Pueblo i ta durf di kamuflá esaki bou di interesnan di Reino mes si tin mester pa nan por drenta den nos asuntonan interno. Nos lo tende ku nos mes no por i esaki ta e motibu pa laganan tuma over.

MFK no lo permití esaki mientras nos ta goberna, tur país tin derecho di ofrese e mihó dil ku nan ta kere na nos i nos lo tuma esun ku ta na mihó benfisio pa Pueblo di Kòrsou.

Saludos,

Gerrit F. Schotte
Parlamentario pa MFK