Ta asfaltá kaminda entre Wacawa i Savonet

Ta asfaltá kaminda entre Wacawa i Savonet

Willemstad – Minister Jaime Cordoba i Obra Públiko ta anunsiá ku djarason 3 di mei próksimo ta sera e kaminda pa bai Wespen entre Wacawa i Savonet. Riba e dia aki ta sera e kaminda pa trabounan di asfaltamentu. E trabounan ta dura net un dia loke ta nifiká ku djaweps 4 di mei e kaya lo ta habrí bek pa tráfiko.

Seramentu di e kaya ta pone ku mester desvia tráfiko via Soto pa Santa Cruz, Lagun i vise vèrsa. E trabou ta den man di kontratista Aliansa Civil & Road Works BV. Obra Públiko ta pidi outomobilistanan pa tene kuenta ku e kambio di tráfiko riba e dia ei.