Reanudashon kampeonato AA

Direktiva di FEBEKO ta partisipá ku kampeonato AA ta keda reanudá riba djamars 9 di mei próksimo ku partido numerá 22 di e schedule original (Curaçao Yankees-OMB v. ENNIA / Sta. Rosa Indians) pa 19:30 na Tio Dauo Ballpark. E schedule original ta keda mantené. E partidonan numerá 10 pa 21, ku no a tuma lugá pa motibu di e akshon di USAC, ta keda hungá despues di partido numerá 63.
 
Nos direktiva ta ofresé su diskulpa p’e echo ku e partidonan no a tuma lugá segun programashon i ta lamentá na mes momentu e akshon di USAC. Direktiva di FEBEKO, despues di a analisá e situashon ku a surgi, ta yega na e konklushon ku e akshon di USAC pa para kampeonato AA tabata unu suavemente bisá remarkabel:
 
–       FEBEKO, na e momentu ku USAC a drenta akshon, no tabatin debe na USAC pa loke ta trata liga AA;
–       Kampeonato di Klase AA ta esun liga ku ta generá entrada na porta di stadion di moda ku por en parte kubri entre otro gastu di umpirenan pa tantu Klase A komo Liga Hubenil;
–       Liga Hubenil no ta generá entrada. Liga Hubenil semper, ku eksepshon di e último dos añanan, tabata un liga na kua umpirenan tabata aportá gratuitamente;
–       USAC na momentu di kanta akshon a ni sikiera a entrega e faktura korespondiente na tesorero di FEBEKO;
–       E ‘debe’ di FEBEKO na umpirenan, segun e faktura ku a keda entregá despues i mirá riba base individual, tabata ménos ku 130 florin pa kabes na momentu ku USAC a kanta akshon;

This site uses Akismet to reduce spam. Learn how your comment data is processed.

error: Content is protected !!
%d bloggers like this: